Leider hei mir üs vo es paar Spilerinne vor letschte Saison müesse vrabschide, hei aber glichzitig viu nöii Spilerinne im Team dörfe begrüesse. Ds Anenand gwöhne und d Niveauunterschiede akzeptiere isch für jedi Spilerin es Übeigsfeld und ghört zur Juniorinne-Ziit drzue. Genauso es Üebigsfeld ir Vorbereitigsphase isches, ar eigete Technik zfiele, lehre zSpiel zläse und ar eigete Fitness zschaffe. Spielerisch und mit viu gueter Musig si mir stets motiviert ir Halle gstande. A zwöi Vorbereitigsturnier hei mir zGüebte chönne awende und usprobiere, wiviu dasses mag lide und was d Ampel-Farbe ire echte Match-Situation bedüte. Vor auem am Turnier in Burgdorf heimer e erfolgriche 2. Platz gholt und si iz parat für dMeisterschaft. 1 – 2 – 3 -  Let`s go!