Mir hei das Jahr aus rächt chlises Team gstartet u erschti cooli Trainings im Sand gha. Für vieli ischs ds erschte Team u drum startä mir mit de Grundlage. Immer wieder si nöii Chind cho schnuppere u üses Team isch immer meh gwachse. Ids si mir scho äs rächt grosses Team u hei scho viu Fortschritte gmacht. Ds Training isch immer am Friti, aui si top motiviert u bereit ganz viu nöis ds lerne. Äs isch mega cool ds gseh, wi sich aui schnäu verbessere u mit jedere Wiederholig besser wärde. Am Ahfang heimer no viu mit fasse müesse spiele, aber ids klappe di diräkte Berührige scho super. Mir fröie üs aui sehr ufd Turnier u witeri tolli Trainings. Üses Ziu für di Saison isch ä gueti Ziit aus Team ds ha, ds aui witerhin so viu Fortschritte mache u voraum Spass am Volleybau hei.