Foto Saison 23/24
Hinten (v.l.n.r.): Fabian (Trainer), Simea, Laura, Sabrina, Joy, Anja, Miriam, Eva (Trainerin)
Vorne (v.l.n.r.): Sandra, Sara, Lea, Aline, Lianne, Kim, Michelle
Es fehlen: Jennifer, Gabriela, Jessica
Team
| Colaianni | Leana | Mitte |
| Felber | Aline | Pass |
| Frey | Sara | Pass |
| Imhof | Laura | Dia |
| Leuenberger | Sandra | Aussen |
| Lobsiger | Mara | Aussen |
| Murri | Miriam | Aussen |
| Obaldi | Sabrina | Mitte |
| Oppliger | Anja | Mitte |
| Peter | Gabriela | Mitte |
| Teuscher | Jessica | Mitte |
| Trachsel | Lianne | Aussen |
Trainingszeiten
| Dienstag | 20:00 - 21:45 Uhr (alle zwei Wochen) |
| Donnerstag | 20:00 - 21:45 Uhr |
Trainer
Lang Eva
Berichte Saison 2023/2024
Matchbericht vom 16.3.2024
SV Strättligen a - VBC Thun 1:3 (15:25/ 25:21/ 14:25/ 20:25)
Spielerin vom Tag: SARA
„Du bisch geng konstant u bringsch e agnähmi Rueh uf üses Spiufäud. Du gisch immer ds Bestä u hättisch die tolli Brülle u dr Titu Spielerin vom Tag no vieli angeri mau verdient gha, drum gidsne jtze nomau zum krönende Abschluss vo derä Saison!“
Merci ar Eva für dä super tolle Brunch wo mir bi dir am Sunnti nachem letschte Spiu hei dörfe gniesse. Ire gmüetleche Rundi hei mir über die Vergangnegi Saison philisophiert u viu angers, nidvolleybauerisches plöiderlet.
Viu Spass bim kömerle mit dr wunderschöne, handgmachte Täsche wonech geng a die Saison wird erinnere. MERCI!
WAHINE!
Matchbericht vom 9.3.2024
VBC Thun - VBC Uni Bern a 0:3 (12:25/ 20:25/ 24:26)
Spielerin vom Tag: JOY
„Du hesch tolli Blöck gha, bisch mega presänt gsi ufem Fäud u hesch um jedä Bau kämpft!“
Matchbericht vom 29.2.2024
VBC Thun - TV Steffisburg a 3:1 (26:24/ 25:21/ 25:22/ 18:25)
Spielerin vom Tag: ALINE
„Du hesch e riese Fortschritt gmacht sit afangs Saison u mir harmoniere mittlerwile aui sehr guet mit dine Päss! Du hesch bi jedem Bau voue Isatz zeigt u d‘Päss richtig schön u präzis verteilt.“
Matchbericht vom 13.2.2024
VBC Obersimmental - VBC Thun 1:3 (23:25/ 25:19/ 15:25/ 17:25)
Spielerin vom Tag: LAURA
„Du bisch mega präsent gsi, hesch über di letschte paar Matche e riese entwicklig gmacht u die wichtige Bombe-Agriffe füregno!“
Matchbericht vom 6.2.2024
VBC Thun - Volley Oberdiessbach 0:3 (22:25/ 20:25/ 9:25)
Spielerin vom Tag: GABI
„Im erste Satz hesch du jede Pass am Netz verwärtet. Bisch über ds ganze Spiu zügig ir Verteidigung u guet am Bau gsi u hesch zudem no e mega Service-Serie gha!“
Matchbericht vom 1.2.2024
VBC Interlaken - VBC Thun 1:3 (25:11/ 16:25/ 18:25/ 23:25)
Spielerin vom Tag: KIM
„Du bisch e sichere Wärt im Agriff gsi u hesch e top Service-Serie gha!“
Matchbericht vom 25.1.2024
VBC Thun - Volley Seefeld 2:3 (25:19/ 25:12/ 18:25/ 15:25/ 10:15)
Spielerin vom Tag: SABRINA
„Du hesch super gueti Blocks gha u die starche Service füregno."
Matchbericht vom 21.1.2024
VBC Seftigen - VBC Thun 3:0 (25:18/ 25:8/ 25:18)
Spielerin vom Tag: SIMEA
„Für di super Isatz mit mega Service, guete Blöck, ir Verteidigung a aune Bäu no irgendwie dran u mit Agriffe wo klepft hei, hesch du 3.Sätz vougass gspiut!“
Matchbericht vom 11.1.2024
VBC Thun - DTV Innertkirchen 3:0 (25:12/ 25:22/ 25:16)
Spielerin vom Tag: JENNY
„Du hesch e super Serviceserie gha im 1.Satz. Nach ere Pouse hesch im 3.Satz gad nomau d‘Gägnerinne mit dine starche Service gforderet. Dr letscht Punkt hesch präzis hinge uf Grundlinie gschlage!!!“
Matchbericht vom 16.12.2023
VBC Uni Bern a - VBC Thun 0:3 (16:25/ 23:25/ 21:25)
Spielerin vom Tag: JESSI
„Du hesch super verteidiget, beidi Linie im Griff gha u geng guet gstande. Dini Service si TOP gsi u hei zämä mit dine Agriffe wichtegi Pünkt uf üses Konto gäh!“
WEIHNACHTSÄSSE - Picknick Beach Party ir Stube vor Kim
Bimne feine Fajita z‘Nacht (danke VBC Turnier für dä super Priis) hei mir d‘Vorrundi lah usklinge u üses aujährleche Wichtele ufglöst.
Wichtig derbi isch ufpasse u merkä wer echt scho dusse isch, gäu Fäbu!
Mitemne 4.Platz göh mir i d’Wiehnachtspouse u starte de ir erste Januar-Wuche mIt dr Vorbereitig für d‘Rückrundi. Mir hei definitiv no paar Rächnige offe u wei no ei, zwe Plätz witerfüre.
Mir wünsche aune ganz schöni Festtäg u e guete Rutsch i ds 2024!!!
WAHINE
Matchbericht vom 5.12.2023
TV Steffisburg - VBC Thun 1:3 (25:18/ 19:25/ 25:27/ 20:25)
Spielerin vom Tag: MIRI
„Zu dem wichtige Arbeitssieg hesch du viu derzuebiitreit u mega gueti Rückruumagriffe uf d‘Linie gsetzt!“
Matchbericht vom 30.11.2023
VBC Thun - SV Strättligen a 3:0 (25:18/ 25:15/ 25:18)
Spielerin vom Tag: LIANNE
„Du hesch d‘Abnahme TOP zur Sara bracht, e gueti Service-Serie gha u eifach PERFEKT hinge uf Position 1, resp. vou i ds Chrüz agriffe!!“
Matchbericht vom 25.11.2023
VBC Thun - VBC Obersimmental 1:3 (25:27/ 24:26/ 25:23/ 17:25)
Spielerin vom Tag: SARA
„Du hesch us üsne furchtbare Abnahme u Verteidigunge immerno wunderschöni Päss zouberet!“
Matchbericht vom 18.11.2023
Volley Oberdiessbach - VBC Thun 3:1 (22:25/ 25:19/ 25:13/ 25:21)
Spielerin vom Tag: SÄNDLÄ
„Du hesch e super Service-Serie gha, sehr starch gspiut uf dr Usse-Position u hesch no uf Dia gwächslet, wode nomau stärcher ufgspiut hesch!“
Aber Achtung, weh d‘Sändlä Spielerin vom Tag wird, de schneits!
Matchbericht vom 11.11.2023
VBC Thun - VBC Interlaken 3:2 (17:25/ 15:25/ 25:19/ 25:23/ 15:13)
Spielerin vom Tag: LAURA
„Du hesch e gueti Ahspiuserie gha u mit dine starche Agriffe fasch jede Punkt direkt gmacht."
Matchbericht vom 1.11.2023
Volley Seefeld - VBC Thun 0:3 (18:25/ 24:26/ 21:25)
Spielerin vom Tag: MICHELLE
„Du hesch guet gspiut. Viu ruhiger u sicherer aus bi de andere Matche u super fiisi Pünkt gmacht.“
Matchbericht vom 26.10.2023
VBC Thun - VBC Seftigen 0:3 (12:15/ 11:25/ 17:25)
Spielerin vom Tag: ALINE
„Nach churze Teilisätz im 1.&2. Satz bisch du super ine cho im 3.Satz. Hesch Stimmig gmacht ufem Fäud u Päss super guet usegäh u verteilt!“
Matchbericht vom 19.10.2023 (Cup)
VBC Thun - VBC Münchenbuchsee 1:3 (25:23/ 13:25/ 12:25/ 12:25)
Spielerin vom Tag: KIM
„Du bisch ruhig ufem Fäud gsi, hesch d‘Stimmig höch bhautet, super Serviceserie u starchi Agriffe gha!“
Matchbericht vom 16.10.2023
DTV Innertkirchen - VBC Thun 0:3 (20:25/ 10:25/ 20:25)
Spielerin vom Tag: LEA
„Mit starke Service, guetem Spiuinstikt u tolle Agriffe bisch du e gueti Stützi, e Ruhepol u Punktsammlerin gsi ufem Fäud!“
VBC THUN TURNIER 27.08.2023
🥇 Platz
Es het scho guet zämä funktioniert. D’Sytsemtraining hei würckig zeigt u mir hei e super Sunnti ds Uetedorf chönne verbringe. Jtze heissts witer trainiere u a de Abstimmige fiele.
Am Uni Bern Turnier i zwöii Wuche heissts de wieder:
- Luut JA rüefe!
- Eigeti Position spiele u festige!
- Aues gäh u gwinne!
WAHINE!
Saisonvorbereitig
Nach ere volleyballfreie Summerpouse isches de Mitti Ougust wieder losgange mit trainiere. Dr Fokus isch ufem System gläge. Da d‘Eva im Gägesatz zur letschte Saison paar Apassige vorgno het, hei mir aui wieder üses Hirni müesse ischaute u bir Sach si.
Sit dene System-Trainings dörfe mir ou dr Fäbu aus zwöite Trainer begrüesse. Er duet d‘Eva bi de Donnsti Trainings entlaste. MERCI VIU MAU!
Mitemne Sieg ir Meisterschaft ure Niederlag im Berner Cup si mir i d’Saison 23/24 gstartet. Mit dem Foto vom Sieg gäge DTV Innertkirchen hei mir die gueti Stimmig u Luune ab sofort bi jedem Spiu derbii. Mir fröie üs uf die witere Matche!
„WAHINE“
Gägestandrate am Sommergrille
So lehrt meh öpis nöis vo üsne Teammitglieder u e Idee zum aujährleche Wichtele duets eim ouno gad gäh.Blevita Pretzel - Anja „sones Päckli chönnt ig jede Tag ässe.“
Elsa Pflaster - Simea „i bi dr grösst Frozen Fan, due gärn Lüt verarzte u ah Pflästerli chumeni ni verbii, ohni se ds choufe.“
Hundehausband (oder doch e Gurt ;)) - Julia „i bi gern mit üsem Hund ungerwägs.“
Kugelschriber - Joy „ohni dä chiem ig im zwar moderne Spital-Autag, doch ni sowit.“
Polaroid-Kamera - Sabrina „i bi spontan u due gern Föteli mache u usdrucke.“
Kapodaster - Kim „wehni Zyt ha dueni gern Gitarrespiele u singe (mir fröie üs ufnes Konzert). Ou würdi gern mau im Bälliz Strassemusig mache.“
Fimohärzli - Miri „das isch säubergmacht vom Luki u hani zum 25.Hochzytstag becho.“
Tasseli mit Anker - Lea „i ha sehr gern Anker, e Tasslisucht u trinke gern Kafi.“
Abba Magnet - Sara „i lose immerwenn müglich Musig u choufe a jedem Ort woni bi es Magnet aus erinnerig.“
Dymo - Eva „i mim aute Klassezimmer hani aus mit dem Dymogrät schön agschribe gha. U mini Nachfolgerin duet das zum Glück übernäh.“
Kriidestifte - Sändla „bi Kollege a de Bösli dueni geng Tafele mitem Agebit schön aschriebe.“ (oder no besser: Abunde ufem STI Bös d‘Aschrift geng wächsle wo dr Bös härefahrt ;))
Coldplay CD - Aline „i bi ne grosse Fan u am Wuchenend ou gad am Konzert gsi.“
Scrunchies, Haarklammere u Steine - Gaby „i ha geng es uffälligs Haargumeli oder e Haarklammere derbii. Usserdem immer Steiiohrrunge oder Armbändeli anne.“
Buech - Lianne „i due sehr gern läse u liebe romanteschi Fantasybüecher in Dütsch oder Änglisch.“
