Bi strahelndschönem Wätter het dr Ski/Sprudu-Tag ou dieses Jahr chönne stattfinde. Wüu das definitiv es Higlight vor Saison isch, isch sogar e Spieler vode 1.Liga Herre u e Spielerin vo dr 3.Liga Dame plus dr Fründ vor Lea derbi gsi ;)

D‘Miri u d‘Jenny si nachem sprudle bimne feine Dessärt vore Männergruppe i d‘Flucht gschlage worde u die flissige Skifahrer/inne hei AUI Nussgipfle gässe.

Bimne feine Spaghettiässe hei mir dr Tag lah usklinge, MERCI Sara!!

„Mitere guete Agriffsserie im 4.Satz, präzise Service u sichere Annahme, hesch du üs zrügg i ds Spiu bracht!“

Ds aujährleche Wiehnachtsässe mitem obligatorische Wichteluflöse, isch dieses mau e Abe worde, mit WORT OHNI DURCHBLICK.

Voreweg d‘Aline wär no ds ha u d‘Lea steut sech tod, jenachdem wer dä Bricht list.

Da d‘Sara fasch au üsi Wünsch cha erfülle, isch ds uflöse vo wer echt wem gwichtelet het, fasch chli näbäsächlech worde. Aber äbe nur fasch. Ds Rate isch los gange u bi deune isch definitiv e Kriminologin verlore gange. Wer, wo, wie u was? Aues isch analysiert u ufzeichnet worde. 

Da mir de schlussendlich aui usegfunde hei, vo wem mir di bunte Socke hei becho isch ds e rundum glungnige Abe gsi. 

P.S. Faus öper mau es paar ganz spezieui Socke brucht, eifach bir Sara mäude. Es het Flip-Flops, Krokodiu, Hühnerbei u no viu meh zur Uswahl.

PP.S. Weh mir aui Matche ir Rückrundi gwinne (ja mir hei definitiv no di einti oder angeri Rächnig mit üsne Gägnerinne offe) chame d‘Hühnerbei am  11. März nid uslehnä. D‘Eva wird die den nämlich zum Coache anne ha, denn Verspräche muessme ihaute.

„Mit zwöii, drü super A-Agriffe, guete Service u luutstarkem Aführe het sie dr Ungerschied usgmacht u mir hei doch nomau e Match ir Vorrundi gwunne.“

Aus erst fängs, MERCI VIU MAU bisch üs cho ushäufä!!! 

„Sie het mehreri tolli Service-Serie gha, wunderbari Agriffe, super verteidiget u isch eifach e sichere Wärt gsi.“

„Sie isch wahnsinnig lang ir Luft u brätschet di Drüsu As schön ds Bode. Mit dine hammer Schläg hesch du üs i 5. Satz grettet. Schad hets ni ganz glängt füre Sieg!“

„Mit ihrere mega Motivation, schönem Spiu u guete Blöck het sie üs Pünkt gmacht!“

„Mit ihrer Serviceserie, super Pipe-Agriffe u em luute JA rüefe hei mir i de Sätz guet mitghaute. Ou wehs de am Schluss glich ni zu üsne Gunste usgange isch.“

„Du hesch nie ufgäh u mit dine starche Agriffe d‘Bäu immer wieder ds Bode bracht u für üs punktet!“

„I de letschte zwe Sätz het sie mit starche Kurzagriffe, mitem Siegeswille, sichere Service u dr super schnäue Apassig a d‘Systemänderig dr Ungerschied usgmacht.

„Sie het mir ihrere höche Präsenz und guete Kommunikation d‘Abnahm organisiert u mit präzise Verteidigunge dr Grundstei für glungnegi Abschlüss gleit.“

„Sie isch bis zum Niese u wieder zrügg gsecklät für üsi Annahme ds ha u het glich no chönne schöni Päss verteile zum Agriffe.“

„Usem nüt hesch die härtischte Usseagriffe füre gno. Bääh-däääm!!“