Üses letschte Saisonspiel isch es Heimspiel gsi, gäge die Erschtplatzierte ufder Tabälle u leider ohni Siegersätz. Aarberg het üsi Halle miteme 3:0 verlah. Kämpft heimer, hei gueti u weniger gueti Momänte ka u am Schluss hets leider eifach i keinem Satz bis zum Sieg glängt. Üsi Gägnerinne hei starch gspilt u dä erscht Platz verdient.

Leider isch die Saison mit däm Spiel für üs scho verbi. Wier fröie üs aber scho mega uf die nächschti Saison, ä gueti nöii Vorbereitigszit u wei a derä Stell André u Mario härzlech für ihri Zit danke. Merci euch vil Mal u merci a alli Froue! Het gfägt!

Ir chaute Halle in Utzenstorf heimer oh chli chalt gstartet. Es Machtwort im Timeout hett üs  lah erwache und mir hei endlech afah spile. Unkonventionelli oder sehr platzierti Bäll vo üsne Gägnerinne heinis im erschte Satz am meiste drusbracht. Ide nächste zwe Sätz heimer de Utzenstorferinne besser ufs Finger gluegt u mänge Eggeball gfischet. Starchi Service, diagonali Agriffe und Fintene heinis im zwöite Satz schneu id Füehrig bracht. Im dritte Satz heimer am beste uf üsem Niveau gspilt u hei mänge schöne Ball chönne gwinne. Dr Märu hett 2 Pünkt vor Schluss sogar no afah Passfinte wünsche. Dür starchi Servicepünkt isch ds leider nümme zstand cho…. Churz u schmerzlos amene Mäntig, so heimers gern.

Iz heimer, nach mänge Wuche ohni Training u viu Matches, usrichend Ziit üs uf üses letschte Spiel vo dere Saison afang März vorzbereite, Hopp Thun!

leider wieder nur mit 8 spielerinne sy mir uf stude, aber mir sy aui sehr motiviert gsy u postitiv ihgstellt das hett üs uf jede fau ghulfe es paar kuhli bäll z‘spiele trotz dene strache bäll heimer di erste beide sätz verlore, aber sehr knapp mir hei d‘hoffnig nyd ufgeh u sy positiv ih dritt satz, dä heimer ner oh chönne gwinne somit ishes ner zum vierte satz cho, dert symer super gstartet u hei richtig chönne druck mache ou d‘stimmig ish dr hammer gsy für das das mer so weni spielerinne sy gsy jedoch heimer ner gege schluss dr hänger gha u es hett gad gar nümm funktioniert u das het stude natürläch usgnützt u mit de wenige pünkt wo no gfäut hei gad fertig gmacht somit heimer de spannend match leider zu 3:1 verlore glich hetts aber mega gfäggt:) u mir freue üs scho ufe nächscht match am mänti

VCB Thun Damen 3 verliert auswärts gegen Burgdorf. Zu Beginn starten die Thunerinnen mit druckvollen Aufschlägen und Angriffen. Burgdorf hält dagegen und kommt immer wieder ran. Am Ende ist es ein Kopf an Kopf rennen was nach erstem Abpfeiffen des Schiri und Sieg noch umentschieden wird. Der Satz geht 29:27 an Burgdorf.

In Satz 2 startet Thun etwas holprig und es fällt schwierig diese Entscheidung mental abzuhacken. Mit starken Aufschlägen spielt sich Burgdorf einen Vorsprung aus. Thun hält mit bis zum 19:25 an Burgdorf.

Im Satz 3 startet Thun motiviert und mit starken Aufschlägen und führt bis zum 19:18. Danach kommen starke Aufschläge von der gegnerischen Mittelblockerin die mit Eigenfehler nicht für Thun entschieden werden kann. Der Satz geht vor gegnerischem Publikum 25:20 an Burgdorf.

Das nächste Match ist am Donnerstag 2.2 um 20.30 Uhr in Thun gegen Länggasse.

Dr heimmatch gäge ms lerbermatt isch leider ohni pünkt für üs ugange. Das heimer scho es zitli nüm ka. Im erschte u dritte satz heimer knapp zu jewils 23 verlore. Hei mal gfüehrt, wieder ufgholt, üs la überhole. Es het eifach nid klappet u nid glängt. Dr zwöit satz het o nid würklech wöue weme z resultat ahluegt. Viu hets leider ade abnahme gläge dür sehr starchi service vom gägner. Wier wüsse definitiv uf was achte bim nächschte match u i würd säge: abhägle. Hopp thun!

chly früeh simer ahgreist nach aareberg u hei i dr halle scho chönne d gegener abchegge: e chopf gröser und eue 10 jahr jünger sy si im schnitt gsy. u ner ischs scho los gange. am ahfang heimer no chönne mithaute, aber i de letschte paar pünkt hei sy üs vorauem mit de ahgriffe dominiert. schlussendlech ischs e knappi sach worde aber leider zum vorteil fo aarberg.

vouer elan simer i zwöit satz gstartet aber plötzlech het nüt meh funktionniert - mir hei weder chönne abneh no ahgriffe u somit heimer am gegner z spiu eifach gstautet. klar isch de satz a aarberg gange.

scho fasch im wüsse das mer verliere simer i dritt satz gstartet. aber plötzlech heimer üs widr chly chönne zemerisse u hei üs e vorsprung verschaffe. aarberg isch immer wi necher cho u d nerve sy strapaziert worde. ganz knapp heimer de satz gwunne u sy motiviert i viert satz gstartet. widerum isches knapp gsy. mängisch ischs bis üs guet gloffe u mängisch bi aarberg - es chopf a chopf renne. mir hei üs schlussendlech chönne düresetze u sy i unerwartet füft satz gstartet.

es het super ahgfange, aber ner sy plötzlech o riise gschooss zrügg cho. es isch  8:7 für aarberg gstande u mir hei sitte gwechslet. plötzlech sy si üs ab u hei üs mit de service vernichtet, was schlussendlech zur niderlag vo üs gfüehrt het. positiv chame glich sege ds mer glich no e punkt hei gholt, obwohl dases am ahfang nid so rosig het usgseh.

Mitemnä chliinä Team vo siebä Spielerinnä simer am Friti Abä uf Waberä a dä Uswärtsmatch gfahrä. Motiviert u zum Teil mit ganz nöiä Schueh usgrüstet simer i di iischchalti Hallä cho. Nachemä chliinä Fählstart, simer de – under anderem mit starchä Service – guet i Match gstartet hei dr erst Satz chönnä gwinnä. Leider hei mir Müeh gha, d Konstanz z haltä. Es hei sich uf üserä Sitä immer meh Fähler iigschlichä u mir heis nid gschafft, üses Spiel dürä z zieh. So simer de zumnä 5. Satz cho, wo sehr usglichä isch gsi. Trotz kämpferischem Iisatz hei mirs leider nid gschafft, dr Match z gwinnä. Dä eint Punkt nämä mir u fröiä üs uf nä Revanche ir Rückrundi.

Heute Abend spielten die Damen 3 des VBC Thun gegen den VBC Uni Bern. Im Cupspiel konnten die Thunerinnen von Beginn an mitspielen. Durch starke Aufschläge und freche Angriffe wurden die Damen des Uni Bern unter Druck gesetzt. Die Mannschaft spielt 2 Ligen höher und konnten mit Souveränität und langen diagonalen Schlägen im Angriff den ersten Satz gewinnen.

Auch im zweiten Satz war es ein Kopf an Kopf rennen und Thun ging für mehrere Punkte in Führung. Vor allem durch druckvolle Aufschläge von Mia war ein Spiel auf Augenhöhe möglich. Kurz vor Ende musste der Satz knapp 23:25 abgegeben werden.

Im letzten Satz spielt Bern stark auf und die Thunerinnen haben Schwierigkeiten in das eigene Spiel zu finden. So geht Uni Bern als Sieger aus diesem Cupspiel.

Das Trainerduo ist zufrieden mit der Leistung und es kann mit Vorfreude auf das Rundenspiel am Samstag geschaut werden.

Am Donnstig 8:30 isch apfiff gsi, Thun gege Stude. 6 ufem Fäld und nur ei uswechsuspiler, derfür hei mir ungerstützig bercho vo der liebe Miriam. Im erst Satz isch kämpft worde u mir hei guet gspilt, ganz knapp hets när hinge use glich nid glängt. Aber es wär müglech gsi u drum heimer gseit iz gebemer nomau aues im zwöite Satz. Leider isch üs der zwöi Satz chli abverheit und nid sehr erfolgrich gsi, doch de vergesse mer m beste schneu wider. Mit nöiem Optimismus und Kampfwille simer när i dritt Satz super gstartet. Mir hei Druck gmacht und hei si garnid ersch zum punkte la cho. So heimer mit Abstand de dritt Satz gwunne. Ab ih viert Satz, wo ner leider der entscheidend Satz isch worde. Mir hei der Afang chli verpasst und das isch üs am Schluss zum Verhängnis worde. Trotzdem heimer cooli Pünkt gmacht u super gfightet! Es isch eh coole Match gsi.

Wie d Marina vorhär het gseit ka: morn geiz witer. Fit simer a däm wunderschöne Morge z Köniz ahcho u hei dä Match nach dr gestrige Niederlag unbedingt wölle gwinne. Dr sehr wenig Platz hinder bim Service het üs vorem Spiel scho chli beschäftigt. Dr erscht Satz heimer blöderwis knapp abgäh, z Spiel isch jedoch sehr schön gsi. So heimer gwüsst, dass die andere 3 Sätz doch sötte guet cho. Nacheme klare zwöite Satz für üs isches im Dritte gäge Schluss aber no sehr knapp u spannend worde. Bim Vierte hets när de o glängt ka u de simer iz wohlverdiente, sunnige Wuchenänd gange. Merci allne!

Gstartet simer mit emne Verpflegigs ichouf bi Rüedus. Usgrüstet ir Haue acho simer vou motiviert i Match gstartet. D Gägner hei üs z Läbä auerdings aus angere aus liecht gmacht. Vorauem #9 (top Leistig) het üs d Bäu um d Ohre donnert u üsi Abnahme si nid so souverän gsi wie sie hätte chönne. Long story short: abhäggle, morn geits wyter.

Dr Start id Saison isch glückt! Im erste Spiel simer im Cup ufd 3. Liga vo Vbc Studen troffe. I die erschte zwe Sätz heimr nid so richtig chönne starte und hei beid vrlore. Vorallem starchi Service und zviu Eigefähler heinis zuegsetzt. Im 3. Satz hei mir zu üsem Spiel gfunde u hei bis 30:28 kämpft u hei somit ds 3:0 chönne abwände! Vor allem dä Satz isch extrem usgliche gsi u hett viu Energie und Chraft vo beidne Teams brucht. Voll im Flow heimer witerzoge u hei dr 4. Satz ebefalls gholt. Iz nomau aues gä im 5. Satz isch ds Motto gsi, mir hei aber leider dr Start vrpasst und hei im Rückstand d Site gwächslet. Zur grosse Erliechterig vo aune isch dr 5. Satz nach über 2.5 h Spielziit bi 15:12 fertig gsi und mir hei dr erscht Sieg ir Saison erkämpft und spile ir zwöite Rundi im Cup witer. Nachem Match isch vorem Match - mir hei 24h Ziit zum usruehe und üser chline Wunde lecke, zerschte Meisterschaftsspiel gege VBC Wisle steit ah. Hopp Thun!

Nach dene Jahr mit vilne Volleyball Pouse hei mir üs sehr gfröit, widr ir Halle id Vorbereitige zstarte. E grossi Vränderig wo mir hei atroffe, isch dr Wechsel im Trainergspann gsi. Danke André hesch du dih üs agno und bringsch früsche Wind id Trainings und is Team. Ganz vrabschidet hei mir üs aber nid vom Mario, är blibt üs aus Assistenz- und Match-Coach erhalte - Danke!

Neui Spielerinne im Team bringe ebefalls Vränderige und mir hei einiges am System und dr Ufstellig gschrüblet und drbi über Sinn und Unsinn diskutiert. Mit viune Spielsituatione und zwöi Trainingsspiel hei mir üs mittlerwile guet anenand gwöhnt. Ufem Feld loufts guet und äs fägt, dass jedi Spielerin mit au dene Vränderige persönlech usegforderet isch. Mir fröie üs uf die Saison und si gspannt, wie dBegägnige mit teilweis bekannte und unbekannte Gegnerinne vrloufe. Ragbag!