So dr Ufstieg isch tatsächlich Realität worde! Ei Match vor Saisonändi steit fest – mir heis gschafft! Mir si mächig stolz uf üs, chöi mir die Saison ufem erste Platz abschliesse! 🥇

Endlich hei mir ou usegfunde für was d’ Abchürzig AEK (Sponsor) uf üsne Shirts steit 😉
Aufstieg Eines Klasse - Teams 😉😜

Mir hei hert gschaffet u geng e guete Teamgeist ah Tag gleit, um de Ufsieg chönne z’realisiere. Ar mentale Stärchi chöi mir aber sicher nach wie vor schaffe…. Ds würd ner jewils alli o chli weniger Nerve choschte, wenn mir amne Match ume mal ines Loch gheie.😅🙈
Trotzdem het jedi Spielerinn geng versuecht z’Bestä z’gäh u mit tolle Tipps vo üsne TrainerInne hei mir üsi Fähigkeite chönne verbessere. A dere Stelle es grosses MERCI ah üses super TrainerInne Team!

E Dank geit o ah üsi treue Fans, wo üs geng tatchräftig hei ahgfüret 👏
Mir hei üs ou gegesitig unterstützt u anenand gloubt.

Es isch wük e tolli Saison gsi - sigs ufem wie ou nebem Feld! 💪
Leider werde paar Spielerinne üses Team uf nächschti Saison verlah. Umso meh gilts jetzt dr Rest vor Saison mitenand no z’gniesse! Mir wünsche dene SpielerInne nome z’Bestä u hoffe fest, ds mir enand glich ab u zue no übere Weg loufe ❤ gueti Fans am Spielfeldrand werde ir nächschte Saison, um i dere höchere Liga chönne z’bestah, sicherlich goldwärt si 😉…

Nachem letschte Spiu löh mir die Saison bimne feine z’Nacht de nomal lah Revue passiere u schön lah usklinge. 🥳

Am Ligameisterturnier gilts ner nomal vou Gas z’geh… 😌💪🔥

IMOS 🫶🏐

Di erstä zwöi Sätz het aus klappt u nid einisch hei mir üs ertappt, dasmer löiä u das duet aui fröiä!

D Stimmig isch bombastisch gsi, fasch ke Bau isch ah üs verbi.

Im 3. Satz hets ä chlinä Toucher gä, aber oh dä hei mir mögä nä.

Vouer Stouz heimer gwunnä und so mit viu Härzbluet üsi Hymne gsungä.

Ä lustigi Outofahrt zrüg darf nid fählä u für das düä mir gueti Musig wählä.

Öi Dinos rüefä IMOS!

Liebi Läserin, liebä Läser

Wenn ig dir persönlech vo üsere Vorrundi dörft verzeue, würdisch du gseh, wi sehr ig es Lache im Gsicht ha.😁

Jetz fragsch di wahrschinlech wiso, oder?
Us Teil vomne SUPER TEAM chani stolz verkünde, dass mir di Vorrundi aus souveräne Tabellefüehrer abschliessä! 🎉I cha der sägä, es isch immer chly e Achterbahn vo Emotione ufem und näbem Spielfeld gsy, aber i ha jede einzeln Match gnosse!🏐

Eis chlises Stolpersteinli hei mir gha: üses einzige Verlustspiel gägä Münsingen. Ja, mir hei ei einzig Match verlore. Er het üs viu abverlangt und d Münsingerinne hei üs usegforderet - es isch aber e richtig coole Match gsy.
Jetz simer derfür umso motivierter, ir Rückrundi nomau dopplet Vougas z gäh.

Glichzitig möchte mir no üsem Trainerteam danke: Peschä, Dave u Thays. Merci für öies rise Engagement und öii Zuesprüch, mir wüsse das sehr z schetzä.

So u jetz fröie mir üs ufne wohlverdienti Pouse, damit mer im nöie Jahr wieder mit viu Energie chöi id Rückrundi starte.🚀

I däm Sinn: Tschüss, mir gseh üs im 2024!