Neui Saison, neui Spiel aber geng no di glichi Lideschaft. D Summerpouse isch verbi uh endlech heissts widr: smashe, schlah, pässle, uh blocke.

Usemne afangs neu zämegwürflete Grüppli isch über d Trainingzit e Mannschaft gformt worde. Mir hei nis nid nur kenneglehrt, sondern hei es Team ufboue mit dem sogar ds Krafttraining spass macht :)

Da mir nid nur vom Auter, sondern oh vom Niveau her unterschide hei gha, hets am Afang erschmau gheisse d Grundlage z festige uh druf ufzboue. Uh genau e so hei mir Stück für Stück, Training für Training aues ahgluegt, was für ne guete Match wichtig isch.

Mit Spass, Zämehalt uh Kampfgeist wöi mir ih dere Saison zeige was ih üs steckt- uh derbi aus Matchsieger usem Spiel gah. Mir werde z glernte us dr Vorbereitigszit mitneh, ahwende uh mit üsne Gwinn gad am Afang es Zeiche setzt.

Troz grossem ehrgitz steit bi üs immer d Freud ah erster Steu. Mir, als Team si heiss ufä ersti Ufschlag uh freue nis uf vili mitrissendi Matche.