Da ds Wetter de Summer nid so beständig isch, hei mir üs anstatt fürnes Grille, fürnes Apéro Riche entschiede. Aui hei mega feini Sache bigstüret u es isch definitiv niemer hungrig hei. Obwou di wissi Schoggi für ds Schoggi Fondue scho chli gfäut het 😉

Aber nid nur kulinarisch isches interessant gsi. Dr Lian het da e huufe nöii Sache dörfe kennälehrä u würd gloubs sehr gärn es Schnuppere ir Geburteabteilig mache. Dr Bruef Hebamme isch ihm sehr guet u informativ erklärt worde u het no e huufe offnegi Frage da glah. Da ds ihn dr ganze Abe nüme het losglah hätte mir da vilicht schone ersti Idee fürnes Abschlussgschänk? (Fee vilicht chasch ja du da öpis organisiere 😄)

Es si no e huufe witeri gueti Fakte vo aune Spielerinne a ds Liecht cho. Deu hei es gnusch mit dr Flugzyt, anderi ertinke fasch im Murtesee. Öper gheit mit de Rollerblades um u wird aus Taschediebin verdächtigt, teu hei e aus Kind e roti Haarsträhne gha u wiederum anderi singe anstatt Louenesee, LoueneMEER!

Natürlich si ou üsi Ziu für d‘Saison besproche worde u was mir üs aus Team vonenang wünsche. 

Jtze schwitze mir no chli witer ir Haue u fröie üs de uf ds VBC Turnier u üses Testspiu gäge Seefeld u schlussendlich ufne cooli Saison!!

ZUNO