hüt hei mir üse erst heimmatch vor saison gha. 
mir si vo afang ah mit viu energie und spiufröid i match gstartet. mit starche service, guete ahnahme und konstante agriffe hei mir dr gägner früech chönne unger druck setze und hei dr erst satz dütlech für üs entschide. 

im zwöite satz hei mir es chlises tööif gha- d abstimmig het nid immer perfekt funktioniert u mir si i rückstand grate. mit kampfgeist und zämehaut hei mir wichtigi pünkt chönne hole ou wenn mir dr satz am schluss knapp verlore hei. 

dr dritt satz isch usgliche verloffe. i dä entscheidende momänte hei mir punktet u so dr satz für üs chönne gwinne. 

im vierte satz hei mir zeigt, dass mir ou e dütleche rückstand chöi ufhole. punkt für punkt hei mir üs zrüggkämpft u hei dr satz schlussändlech für üs chönne dräie. 

mit zwöine siige isch üs dr saisonstart glunge!