B wie Barragespiel verpasst. E Sieg häts müesse si.

U wie Umkämpft. Umkämpft isches gsi, aber am Schluss mit besserem Ändi nach über 2 Stund für üs.

L wie Lian. Er chunt üs cho coache, obwou er üs sittem Januar im Militär isch u üs nid gseht trainiere. 

C wie Chance ufe 1.Platz mit dr Niederlag vergäh!

N wie nöii Erfahrige. Mir gäbe ou uf de High Heels aues!

E wie Energie, Energielevel, Energielos.

T wie Toffifee, Toblerone, Tortilla Chips, Traktor-Heft, (el) Tony Mate, Tschumpys, Trolli Gummibärli, Tuc, schoggi Törtli, TicTac, Tyrells, Twix, Tichu, glitzer Tattoo, Tutto, , Triofan-Monster, Therraband, Tampons, Tucan u Tischbombä! Viu Spass bim uspacke vor Fäudpost a üse Trainer i de Tolle grüenä Ferie. Mir fröie üs ufs Foto mit dene Tolle Sache 😅

E wie zviu Eigefähler, am afang es bitzi Emotionslos, aber danke em dragloube vom Darren hei mirbds Spiu no chönne cherä.

 

K wie K….. (du darfsch dir säuber öpis überlegä;))

A wie Alleez Thun.

R wie doch no reagiert oder Rollends Apèrowägeli.

H wie Hopp(ala) VBC Thun

S wie Suberi Sach oder mit viu Säubstvertroue zum Sieg!

A wie Aspiuserie, wie Agriffsmaschine u Annahme-Fails

M wie Mittiloch - Bi üs top verteidiget worde u bi de Gägner hets e sichere Punkt gäh.

S wie Super Service Serie!!! 

Merci Sändlä für die 15:0 Füherig!

Üsi nöii Foto-Serie, sit gspannt druf wases bis endi Saison fürnes Wort ergid u lueget Biuder gnau ah:
Es het geng viu spannendi Gägeständ derbii. Viu Spass!😅

Mir nähme mit, aues ussert d‘Sporttäsche!