Am Samstagmorgen startet das Spiel in Bern. Der erste Satz startet auf Augenhöhe. Die Gegnerinnen halten den Ball lange im Spiel. Nach starken Service von Seiten von Thun wird der erste Satz mit 25:15 für Thun entschieden.

In den nächsten Satz finden die Thunerinnen schwer den Anschluss. Vor allem in der Abnahme schleichen sich Fehler ein. Gegen Ende kommen sie wieder mehr ins Spiel. Können aber den Vorsprung der sich Länggasse rausgespielt hat nicht mehr aufholen und geben den Satz mit 15:25 ab.

Für den nächsten Satz motiviert der Coach wieder das eigene Spiel zu fokussieren. Mit starker Blockarbeit und viel Geduld bei der Abwehr kann der Satz mit 25:21 gewonnen werden.

In Satz 4 startet die Mannschaft mit einem Spielerwechsel. Es wird mutig aufgespielt. Die Gegnerinnen bringen viele Bälle wieder zurück ins Spiel und es muss immer wieder bewiessen werden, dass das Spiel gewonnen werden will. Nach 85 Minuten endet der 4. Satz mit 25:19 und Thun fährt mit den nächsten 3 Punkten in der Tasche zurück.

Nachdem dases richtig ghäscheret het bim iischlah uf dr Site vo üsne Gegnerinne, si mir mit chli Respekt ih erst Satz gstartet. Mit guete Service und ere super Defense hei mir dem junge Team chöne entgegehaute. Füre maximal Druck äs Timeout vorem Satzball - und äs Ass vom Gegner;)

Mir si starch ih zwöit Satz gstartet und hei üs schneu ä Vorsprung vo 10 Pünkt ghout. Doch wo üs no 1 einzige Punkt het gfäut, hei üs dGegnerinne mitere starche Serviceserie under Druck gsetzt. So isch dä Vorsprung plötzlech geng chliner und chliner worde... Endlech hets de glich no klappet und mir hei o dr 2 Satz gwunne.

Erliechteret si mir i 3 Satz gstartet und hei oh hie mit super Serviceserie und starcher Defense chöne Druck ufboue. So hei mir dä Match schlussendlech 3:0 für üs chöne entscheide und si doch auii froh dases üs nid id Nase regnet;)

Churz u knackig: säubst wenn mer gege Endi vom Satz hinger si, heimeres no chönne chehre. E töifi Fählerquote het viu derzue bitreit.

Im Bänkli abrume risse mer nume Strikes wiu der Zug het kenni Brämse.

Und wenn mer bide Siegerfötteli nümme a bode dörfe hocke, de nütze mer iz haut der Schiribock ;)

Es isch dr erscht Match ir Rückrundi gäge Volley Köniz u das no ir Heimhalle. Nachere ungschlagene Vorrundi u dr Match-Pouse simer gspannt gsi, wies losgeit.
Dr erscht Satz isch super gstartet – dä heimer klar 25:12 gwunne. Im zwöite Satz isch Köniz höcher ufe cho, aber o dä het glängt zum gwinne.
Leider hets bi üs im dritte Satz nid wöue – Köniz het super gspiut, jede Ball verteidigt u so hets leider kes 3:0 gä. Im letschte Satz heimer wieder kämpft, lustigerwis het dä zum dritte Mal bi 25:20 gändet, dieses Mal aber wieder für üs.
Sehr happy überne witere Sieg simer parat für die nächschte Matche. Merci André u Mario für öier Närve bi däm turbulänte Spiel ;-) Fokus!

Bi wunderschönem Wätter si mir nach Gondiswil gfahre. Mir hei gwüsst, dass ds wahrschinlech ke eifache Match wird, da si 2. si u mir nid grad viu Spilerinne si und oh üsi beide Trainer nid hei chönne drbi si (Marina, du hesch ds guet gmacht!) Mir si mit Vorfröid i letscht Match vor Vorrundi gstartet. Wie scho erwähnt, isch ds äs Chopf a Chopf Renne gsi. Dr erst Satz hei mir knapp 23:25 gwunne. Im 2. Satz hei mir am Afang grad müeh gha wieder iz Spil z cho und hei dert paar Pünkt abgäh. Womer üs wider gfange hei, hei mir üs no nöch härekämpf aber hei dä Satz 25:22 verlore. So wie am Schluss hei mir grad wieder i 3. Satz gstartet und hei dä 21:25 für üs chönne entscheide. Dr 4. Satz heimer am dütlechste gwunne mit 18:25. Aues i auem isches sehr es aktivs u spannends Spiu gsi und es het längi u schöni Bauwächsle gäh.

Somit hei mir wieder 3 Pünkt ghout und schliesse die Vorrundi ufem 1. Platz ab. Mir gniesse izze die Pouse und si gspannt wis ir Rückrundi witergeit. :) Schöni Festtäg wünscht öich d 3. Liga.

Am Sonntag 10.12 beginnt das Match in Kestenholz um 15 Uhr. Beide Mannschaften starten auf Augenhöhe. Die Thunerinnen kommen langsam ins Spiel. Die Heimmannschaft wehrt stark ab und der Satz geht knapp mit 25:21 für Thun aus. In dem zweiten Satz schleichen sich immer mehr Fehler ein auf Seiten von Thun. Kestenholz zieht mit starkem Service davon und gewinnt den Satz mit 25:20. In den dritten Satz startet Thun mit leicht veränderter Aufstellung und mehr Sicherheit im Service und kann nach 20 Minuten mit 25:13 den Satz für sich entscheiden. Im nächsten Satz spielt Thun von Anfang an mit. Nach leichter Absprache Schwierigkeiten kann Thun sich wieder stabilisieren und nach 89 Minuten bleibt Thun ungeschlagen und gewinnt mit 25:17 den 4ten Satz und fährt mit 3 Punkten nach Hause.

Mir si guet i Match gstartet. Hei guet chönne abnäh u hei Druck i dä Service gha. So hei mir di erstä zwöi Sätz eigentlech dütlech für üs entschiedä. Scho fasch Siegessicher simer i dritt Satz gstartet. Ja, u ab denn isches irgendwie nüm gange. Mir hei viu Eigefähler gha u hei ke Druck i dä Agriffe chönne mache. Aarbärg isch dütlech vorus gsi. Gägä Ändi vom Satz heimer no biz chönne ufschliesse aber zum Überhole hez nüm glängt. So heimer haut no ä vierte Satz gstartet. Dä isch ä Achterbahnfahrt gsi. Mau hez funktioniert mau nid. Mit paar guete Aspiu vo üsere Site si mir bizi vorus gsi u hei dä letscht Satz doch no gwunne.

Iz heissts guet erhole nach derä stränge Wuche u de vougas i di letschdä zwöi Matche dises Jahr.

Was für ne fight. Der Istig I Match isch totau id Hose. Der Rückstand hei mer, obwouh mer dank Wächsle besser ids Spiu si cho, nid chönne wett mache. Es het nis aber puscht füre 2. Satz, womer ir Verlengerig für üs hei chönne entscheide. I weiss nid ah wases gläge isch, im 3. hets aber nümme weue funktioniere. Üsi Gägnerinne hei aber oh Bäu usgrabe, woni nid denkt ha, dass die no eis zrügg chöme.

So biuig weimer nis aber nid gschlage geh, für üs isch klar, das git der erst 5. Sätzer diesi Saison!

Fokus - das isch gad Programm. Wie z Däni s imne Timeout guet ufe Punkt het bracht: mir müesse nis meh bewege und zämä schnure (so isches mer emu I Erinnerig blibe), däm het Märu nüt hinzu z füege. Gesagt getan - 25:16 zu üsne Gunste und dermit der dütlechst Satz I däm Spiu.

Mit däm Flow und ere sehr töife Fählerquote simer der Entscheidigssatz ahgange. I gloub es isch Schlussamänd d Entschlosseheit vo üs gsi, wonis dä Sieg laht la hei neh. Am Mäntig geits de Usswärts im Cup gad wyter.

Üs steit e «Profiwuche» (4 Spiu i 7 Täg!) bevor. Motiviert üsi Serie nid la izrisse, si mir am Mittwuchabe id Haue marschiert 😊.

Mir si de o grad guet is Spiu cho u hei vo Afang a varianteriich chönne punkte. Weni Fähler und Spiufröid hei üs ghuufe dr 1. Satz schnäu z gwinne.

Nachemne chli verhautenere Start im 2. Satz hei mir de mitere guete Serviceserie wieder is Spiu gfunde u hei o dä Satz dütlech gwunne.

Natürlech hei mir nüt wöue la abrönne u si motiviert i 3. Satz. Schöni Pünkt, gueti Service u viu Truubezucker hei üs zum 3. Satzgwinn u so zu üsem nächste 3:0 Sieg gfüehrt 😊

Iz geits Schlag uf Schlag witer u es giutet bis am Friti wieder fit z wärde u aui Bräschteli beschtmüglechst uszkuriere – di einte trinke eifach es paar El Tony meh, angeri bruche chli Säubeli u es Theraband.

U natürlech wichtig: immer FOKUSsiert bliebe 😉

Am Samsti Morge si mer scho am 9i ihr Halle gstande füre Match gege TV Länggasse. Üs isch vo Afang ah klar gsi, dass de Match es Chopf a Chopf renne cha werde. Mit dem Wüsse simer oh i erst Satz gstartet und hei direkt volle Isatz geh. TV Länggasse aber genau so. U so hei mir üs mit Pünkt mache abgwechslet. Solang bis mir de Satz trotzdem no 26:24 hei gwunne, durch starchi und intelligenti Agriffe.

Im 2te Satz si mir meistens mit paar wenige Pünkt in füehrig gsi. Es het sehr schöni und oh längi Spilwechsle geh, das durch starchi Abnahme vo beidne Teams. Gege Schluss isches grad wider sehr Äng worde und mir hei aber oh de Satz 26:24 gwunne. Im dritte Satz hei mir starch gstartet und si dervo zoge. Doch hei mir mitti Satz plötzlech chli nahglah u da het TV Länggasse ner schneu wider ufgholt. Es isch bis am Schluss, wie erwartet, es Chopf a Chopf renne gsi. Schlussendlech heimer aber oh de Satz 25:23 gwunne. Mir hei i dem Spil krassi mentali Stärki, starchi Abnahme und cooli Agriffe zeigt. Es isch eh super spannende Match gsi.

Drum witer so und Fokus!

Die Thunerinnen gewinnen souverän im Cupspiel mit 3:0 gegen Volero Aarberg.

Am Mittwoch Abend startet die Partie in Aarberg. Mit starken Service und druckvollen Angriffen starten die Thunerinnen ins Spiel. Aarberg hält mit starken Angriffen über aussen dagegen. Der Satz geht mit 25:20 für die Thunerinnen aus. Mit einem grossen Kader konnte in den zweiten Satz mit neuer Mannschaft gestartet werden. Nach einer Service Serie zum Start des Satzes konnte sich mit 8:0 ein Vorsprung erspielt werden der bis zum Ende gehalten werden konnte und Thun gewinnt den Satz. Im dritten Satz kommt es immer wieder zu Unstimmigkeiten und Aarberg führt zu Satzbeginn. Nach einem Timeout konnte mit starken Service Druck gemacht werden und das Spiel geht nach 62 Minuten 3:0 für Thun zu Ende.

Am Friti Abe hei mir üs z Bärn ir Haue vo RTZ Bern troffe. Mir si aui sehr gspannt gsi, wie guet ds junge Team spiut. Agfange heimer nid so guet. Ds Aspiu vom Gägner het üs Müeh gmacht. Mir hei üs schnäu müesse sammle u luege wo das mir ir Defence härä stöh. So heimer dä Satz de glich no chönne gwinne. Im zwöite Satz heimer üses Spiu chönne spiele, mir hei es paar Aspiu-Serie gha u hei super chönne Agrife. Oh im dritte Satz heimer das grad so chönne witerfahre. Ä super Stimmig, so das mir jedä Punkt hei chönne firä. Bis mir när churz vorem Schluss doch no üse bekannt Ibruch gha hei. Aber dank emnä grosse Vorsprung, hei mir de dr letscht Satz doch no chönne hei hole.

Fokus!

Hüt hei mir üses erste Heimspiu gege Papiermühle gha.

Mit eher wenig Spielerinne, aber trotzdem gueter Stimmig hei mir ids Spiu gstartet.

Nachemne churze Durchhänger hei mir üs wieder gfange und hei dr erst Satz zu 14 gwunne.

Bereits im erste aber ou im zwöite u dritte Satz, hets nid so viu lengi Bauwechsle geh. Mit drzue bitreit hei unger angerem zahlrichi sehr starchi Service. So hets immer wieder Serviceseriene geh und mir hei vieli Ass u Servicpünkt chönne fire.

Schöni Agriffspünkt si drfür chli seltener gsi, trotzdem si mir konstant blibe und hei ou die andere Sätz zu 15 und zu 14 gwunne.

Mir si froh, ume 3 Pünkt chöne mitzneh u hoffe, dass mir ou am Fritig chöi punkte.

Fokus!

Mir hei dank guete Aspiu und druckvoue Agriffe schneu iz Spiu gfunde. Z' Zämäspiu mit em Pass het supper funktioniert. Nach zackige 18min isch der 1. Satz zu 15 im Trochne gsi.

Mit der gliche Ufsteuig heimer oh der Schwung i 2. Satz chönne mitneh. Dert het vor auem d Defense der Ungerschied gmacht. Jedi isch für Jedi gange und so heimer mega viu Bäu no chönne usgrabe und zrügg bringe. Genau so fägts. Dem entsprechend heimer der 2. Satz zu 11 gwunne.

Der 3. Satz isch schlussamend, oh dür starchi Service, zu 21 Pünkt zu üsne Gunste glüffe und der 1. Sieg I dere Saison isch Tatsache gsi. Dases weniger dütlech isch us gfaue heimer chli säuber z verschulde gha. Oh nur chli nache lah, het Köniz Ufwind geh und sä besser is Spiu bracht. Das chöimer nis gad für die nächste Matche z' Härze neh. Es geit nemlech gad Schlag uf Schlag wyter mit 3ne Matche innerhaub vore Wuche. Starte tuets am Mittwuch daheime gege Papiermühli.

Ig freue mi, Fokus, Marina