Juniorinnen U23 1b

Hinten (v.l.n.r.): Stefanie, Livia, Riccarda, Michèle, Lena, Seraina, Janine
Vorne (v.l.n.r.): Mario (Coach), Ilenia, Solène, Zoë, Sina, Soraya, Tim (Coach)

Es fehlen: Jolanda, Paula, Sara

Team

Bärtschi Sara
Demierre Michèle
Fraietta Ilenia
Gyger Livia
Imhof Soraya
Jakob Riccarda
Locher Paula
Moser Janine
Neuenschwander Lena
Oetterli Zoë
Röthlisberger Stefanie
Schmid Sina
Stahl Jolanda
von Allmen Solène
Züger Seraina

Rangliste Vorrunde

Rang Team Spiele Punkte
1 Volley Köniz 6 18
2 VBC Münchenbuchsee 6 15
3 Volero Aarberg 6 12
4 Regio Volleyteam 6 9
5 VBC Thun a 7 9
6 VBC Thun b 7 2
7 VC Uettligen 6 1

Berichte Saison 2019/2020

Saisonschlussbericht

Zägg u scho isch umä ä volleysaison düre! Obwou si umä soo schnäu verbi isch gange, chani di saison nid i 3 sätzli zämäfasse. Fömer doch gad mau mit em nä highlight ah: dr cupmatch-halbfinal gägä Aarberg. Es isch es heimspiel für üs gsy u mir hei gwüsst, ds mer auii meh aus 100% müesse gä, für dä starch gägner z bezwinge. Mit üsnä fans im rügge u voller energie u motivation simer de i dä halbfinal gstartet. Leider hets am afang sehr schlächt für Thun usgse. Mir hei dr erst satz zimläch höch verlore. Ih gloubä viu wo üs zuegluegt hei, hätte niä dänkt ds es no witeri 4 sätz wird gä. Ja, mir si wiä dür es wunder i 5. Satz cho. Aso eigentläch heimer das üsem extrem guete teamzämähalt u üsem wille aues z gä, z verdanke. Ufem fäud hei mir kämpft, si für ä nang gange u o am fäudrand heimer mitgfieberet; es paarnä isches sogar zytewiis chli sturm worde, wüu ds spiu so intensiv isch gsy. Leider heimer dä 5. Satz de glich verlore, aber glich mitem nä guete gfüeu us dr halle gloffe, wüu mer gwüsst hei, ds mer aues gä hei u stouz uf üs chöi si.
Während dr ganze saison heimer de meh oder weniger i jedem spiel pünkt müesse abgä. Mir si meistens sehr nach a dä 25. punkt härecho, aber knackt heimer di zahl äbä leider nume sehr säutä. Trotzdem heimer d hoffnig niä ufgä. A däm punkt möchti dr uswärtsmatch gägä köniz speziell erwähne. Üsi gägnerinne auii gfüeut 2 chöpf grösser aus mir. Aber la ischüchtere heimer üs nid. U so heimers gschafft, ds mir, dr underdog, Köniz ei satz hei chönnä abnä. Es het sech fasch ä chli agfüeut wiä ä sieg. Näbst dä matchä hei mir zwöi mau ir wuche hert trainiert u extrem viu nöis vo üsnä zwöi trainer Tim & Mario chönnä mitnä. Kes training isch wiä z angere gsy. Mau heimer transition agluegt, när isch dr swing-block dranne gsy, technischi u taktischi aspekte hei natürläch o niä dörfe fähle. Näbäbi heimer ono chrafttraining, life-kinetik u sogar mentaltraining gmacht. Zwüsche düre hets o mau no platz für es «locker-flockigs» training gha u dr spass het natürläch niä dörfe fähle.
Näbem volleyball heimer üs o mau ä abä zyt gno u si zur Soraya ga güezele (Abb. 2) oder im summer chli i strämu ga beachä. Zu guter letzt simer no ufz Chnubeli im Eriz gloffe (Abb. 3). Au di schönä erläbnis wirdi geng i gueter erinnerig bhaute. Ig bi mega dankbar ä teil vo däm Team dörfe z si u ig gloubä da bini definitiv nid di einzigi. Mit däm Team fägts eifach!
A dere steu möchte mir o üsnä beidä Trainer Tim & Mario ganz fest Merci sägä für di fägigi Saison! Dir heit üs niä ufgä, immer a üs gloub u üs muet gmacht. Aber vorallem heit dir so viu zyt investiert um üs cooli, sinnvolli u abwächsligsrichi trainings zbiete. Usserdem heit dir üs mit öiere ufgstellte u lustige art jedes mau ä fröid gmacht, wemer id halle si cho trainiere.
Merci viu mau!!

Abb. 2: Güezele bir Soraya
Abb. 3: Teamföteli ufem Chnubeli

Matchbericht vom 1. Februar 2020

VBC Thun b - Regio Volleyteam 2:3 (25:21 / 18:25 / 20:25/ 25:15/ 12:15)

Nachdäm mir üs vor de letschte Matchs teilwiis säuber z’ viel Druck gmacht hei, simer a das Spiel ganz locker dra härä. Die Sicherheit hei mir schon bim Ispile chönne zeige und im erschte Satz oh diräkt als Vorteil nütze.
Da mir zwölf Spilerinne a dem Match si gsi, hets nach dem Satz e komplette Wächsel gäh und die andere sechs wo vorher vo usse unterstützt hei si uf z’ Fäld cho.
Dä Wechsel het sech nid ganz uszahlt u so hei mir i däm Satz nid mit Regio chönne mithalte.
Im dritte Satz hei mir witer kämpft und Stimmig gmacht, doch oh dä verliere mir mit 20:25.
Nach däm Satzverluscht hei mir gwüsst, dass mir iz no müesse punkte we mir das Spiel no wei drähie u so hei Auii no mal Alles gäh und mir hei dr viert Satz für üs entschiede.
Mit der widergwunnene Rueh u Sicherheit simer i entscheidend Satz gstartet u es isch zu schöne Ballwächsle cho wo aber schlussändlech es paar Mal me für d’ Gegner hei gändet.

Matchbericht vom 11. Januar 2020

VC Uettligen – VBC Thun b 3:0 (25:23 / 25:14 / 25:15)

E Match wos eifach nid hett söue si. Leider chöi mir üsi Leistig nid bringe und verliere dä Match klar mit 0:3.
Im erschte Satz isch z Spiu usgliche gsi. E Zit lang heimer sogar gfüert, doch zum Schluss hei mir dr Satzgwinn doch no us dr Hand gä und verlierene mit 23:25.
Im zwöite Satz grate mer dürne Serviceserie vo Uettligen schäu i Rückstand. Dä chöimer leider oh trotzt diverse Wechsle nüme wettmache und verliere dä Satz dütlech mit 14:25.
Oh im letschte Satz gsehts nid besser us. Am Afang chöimer zwar no mithaute, löh se aber när lah dervo zieh und verliere dä Satz äbäfaus klar mit 15:25.
Leider heimer somit d Chance verpasst, Uettligen z`distanziere und si iz säuber ufem letschte Platz ir Tabelle. Aber mir wüsse, dass ds no nüt heisst und mir no paar Matche hei womer chöi punkte.

Matchbericht vom 15. Dezember 2019

Volero Aarberg - VBC Thun b 3:1 (25:12 / 25:07 / 20:25 / 25:20)

Vier Sätz si mir gägä Aarberg ufem Fäud gstande u hei kämpft. Leider hei mir aber nid vo afang a 100% gä. Mir si z weni konzentriert u parat gsi und heis ir Abnahm nid hinder t Bäu gschafft. Dementsprechend si t Abnahme nid suber a z Netz cho u mir hei im Agriff nid das chönne zeige womer eigentlech chöi. So heimerne dä Satz mit 12:25 verlore.
 
Trotzere Umsteuig vode Spilerinne füre 2. Satz hetsech z Spiu wi im 1. Satz witerzoge. Üsi Gägner hei z Spiu gmacht u mir si us üsem Töif nid usecho. Nid lang isches gange u de het Aarberg scho mit 2 Sätz gäg üs gfüehrt (25:7).
 
Im 3. Satz simer de wach worde u hei afa kämpfe. Es isch zumne Chopf a Chopf Renne worde. Mir hei endlech üses Spiu gspiut u chönne Druck mache. Es hettsech bewährt, mir hei 25:20 gwune u somit t Chance becho imne 4. Satz z zeige wasmer chöi.
 
Da heimer miter Abnahm aber wider meh Müäh gha und ar Paseuse z Spile definitiv nid eifach gmacht. Zuesätzlech si no Spilerinne usgwechslet worde, was fürne fautschi Ufsteuig u Verwirrig ufem Fäud het gfüehrt. Somit isch oh dä Satz mit 25:20 wider a t Gägner gange.
 
Oh wenn nach däm Match t Enttüschig dütlech z gspüre isch gsii lö mir aber der Chopf nid la hängä und luege vorwärz zur Rückrundi!

Matchbericht Cupspiel vom 28. November 2019

VBC Thun - Volero Aarberg 2:3 (14:25/ 25:23/ 15:25/ 32:30/ 11:15)

Nid ohni Grund isch dä Match aus dr Bescht vo dere Saison bezeichnet worde. Mir hei aus Team kämpft u o rächt guet chönne mit de Gägner mithalte. Mir hei Bäu verteidiget u grettet wie no nie und hei nis nid vo ihrne Agriffe la beidrucke.
Im erschte Satz hei mir no nid ganz üses Spil chönne zeige u drum isch dä a Volero Aarberg gange.
Schnäu isch üs aber bewusst worde, dass doch no einiges würd drinne lige u mit dere Motivation hei mir, nachere wahnsinns Serviceserie und emene Monsterblock, der zwöit Satz chönne für üs entscheide.
Nachdem mir auii zeigt hei, was mir chönnte, isch d’ Konzentration im nächste Satz grad chli weniger höch gsi u so isches cho, dass mir dr dritt Satz verlore hei.
Der viert Satz het nomau d‘ Närve vo aune Spilerinne uf und näbem Fäud und oh die vo de beidne Trainer (über)strapaziert. Immer wieder si üsi Satzbäll abgwehrt worde und mir hei ihri Matchbäll verhinderet. Nachdäm alli Spilerinne ihri  Närve us Stahl am Service hei bewiise, isch dä Satz du doch no ah Thun gange.
Im letschte Satz hei mir nomau kämpft und alles gäh aber schlussändlech hets nid glängt, da d‘ Gägner d‘ Lückene hei gseh und üs so hei chönne besiege. Trotzdäm isch dä Match e hammer Teamleischtig gsi und mir chöi stolz uf üs si, dass mirs mit dene Gägner hei chönne ufnäh!

Matchbericht vom 3. November 2019

VBC Münchenbuchsee - VBC Thun b 3:0 (27:25/25:9/25:20)

Üse 5. Match gäge VBC Münchebuchsee. Mitem Gedanke, üser letschtjährige Cupgägner z'schlah, simer dert id Haue cho. Ds hett leider nid so klappet wimer nis vorgsteut hei. Im erschte Satz heimer zersch gfüert u phasewiis relativ guet gspiut. Leider heimer dä Satz ir Verlengerig müesse abgäh (25:27) . Di nächschte 2 Sätz heimer beidi o verlohre (9:25, 20:25) u dr Match isch 3:0 usgange. Gäge Schluss heimer nis vo guete Agriffe vo üsne Gägnerinne lah verunsichere. Im dritte Satz heimer no e Ufhoujagt gstartet, aber glängt füre Satz z'gwinne hetts leider glich nid. Dr Kopf löh mer aber nid la hange u gäbe im nächschte Match wieder vougas!

Matchbericht vom 26. Oktober 2019

VBC Thun b - VC Uettligen 3:2 (25:22/23:25/25:12/17:25/15:9)

Gad glich wie im Cup gägä VC Uettligen het ds Schlussresultat wie folgt usgseh: 3:2 fürä VBC Thun! Der 1. Satz heimer 25:22 gwunnä. Mir hei relativ stabil gstartet und hei meischtens chönnä im Vorsprung blibä. Wemer im Rückstand si gsi, heimer Gas gä u hei dür üsi Service Winners Uettligen wieder i Rückstand bracht. I 2. Satz simer de gad rächt glich gstartet. Dr ganz Satz isch äs Chopf à Chopf Rennä gsi. VC Uettligen het houptsächläch mit dä starchä Service Pünkt gmacht u het üsi Abnahm ä chli dürenand bracht. So heimer dä 2. Satz 23:25 verlore. Somit isches 1:1 gstande. Dr 3. Satz isch eidütig üsä gsi. D Service si sehr starch gsi und üsi Spielzüg si üs sehr guet glunge. Uettligen isch gad ä chli im nä Töiff gsi u de heimer ou verschiedene Spielvariantenä chönnä usprobiere. Mir hei ganz klar mit 25:12 dominiert. Leider het das Ganze im 4. Satz gad kehrt und dr VC Uettligen het üs mit 17:25 besiegt. Somit isches wieder 2:2 gsi u für üs aui isch klar gsi, dass mir dä 5. Satz wei holä u zwar nüme so knapp wie im Cup (18:16). Mir si dank sehr guete Service Winners 6:0 im Vorsprung gsi. Das het Uettligen relativ us dr Sach bracht und mir hei sehr schöni Angriffspünkt chönnä machä. Dr letscht Satz hei mir 15:9 gwunnä. O wes wieder ä mega Närväkrieg isch gsi, het dr Match sehr gfägt und äs isch toll gsi das mir trotz paar schlächtä Phase immer wieder i üses Spiel hei zrugg gfunde.

Uf witeri spannendi Matchä u Siege!!!

Livia

Teambericht Oktober

Mit voller Motivation, einigen neuen Spielerinnen und einem neuen Trainer starteten wir nach den Frühlingsferien ins Abenteuer U23 1. Bis zum Sommer wurde mit Mario Technik gebüffelt, ehe Tim aus dem Dienst am Vaterland zurückkam und die Trainings nach den Sommerferien den Schwerpunkt Spielsystem und Athletik hatten.

Nach den Turnieren in Thun und Münsingen spielten wir noch zwei Testspiele gegen die 4.Liga Teams des SV Strättligen und des VBC Riggisberg. Die Testspiele endeten Unentschieden und mit einer knappen Niederlage. Das Team schien sich langsam gefunden haben und wir gingen guten Mutes in die Herbstferien.

Nach nur zwei Trainings nach den Ferien ging es bereits los mit der Meisterschaft. Die Motivation war gross, unsere Nervosität jedoch noch viel grösser. Gegen das zweite Thuner Team waren wir nur ein Schatten unser Selbst, im ersten sowie auch im zweiten Aufeinandertreffen. Dazwischen zeigten wir gegen Volley Köniz, was wir wirklich draufhaben.

Wir hoffen auch in Zukunft uns von unserer besten Seite präsentieren und die Schwächephasen sowie die Mentalen-Blockaden ablegen zu können.

Éxito!

Matchbericht vom 17. Oktober 2019

VBC Thun b - VBC Thun a 0:3 (20:25/23:25/22:25)

Nach einem super Spiel am Abend zuvor gegen Köniz freuten wir uns auf diesen Match. Doch leider konnten wir die gute Stimmung nicht an diesen Match mitnehmen. Wie auch beim ersten Match gegen Thun waren wir etwas nervöser als sonst was sich auch im Spiel zeigte. Wir verloren den ersten Satz 25:20. Beim zweiten Satz wurde es etwas knapper, aber auch da hat es schlussendlich nicht ganz gereicht und auch im dritten Satz mussten wir uns mit 25:22 geschlagen geben. Wir sind etwas enttäuscht, dass wir auch beim zweiten Spiel gegen die Thuner Mannschaft keinen Satz für uns gewinnen konnten. Nun sind wir froh, ein spielfreies Wochenende zu haben, da die letzte Woche mit zwei Spielen am Wochenende und zwei unter der Woche sehr intensiv war.

Soraya

Matchbericht vom 16. Oktober 2019

Volley Köniz - VBC Thun b 3:1 (25:14/16:25/25:14/25:21)

Üs isch aunä bewusst gsy, ds hüd abä starchi Gägnerinnä uf üs warte. U trotzdem simer voller Energie und Motivation i erscht Satz gstartet. Mir si sofort dri cho u hei o bis 7:7 guet chönnä mithaute. När si d Abnahme nüme so guet cho u dr Ufbou het dämentsprächend o nüme so guet funktioniert. Mir hei aber jede Fähler mit em nä lächlä wäggsteckt u mir hei üs ufä nächst Punkt fokussiert. D Pünkt womer gmacht hei, si vom ganze Team gfiiret worde. D Stimmig ufem Fäud isch dr hammer gsy, es het richtig fröid gmacht Volleyball z spiele. U o diä wo dusse gstande si, hei aues gä mit afüüre. Leider hei mir dr erscht Satz de zu 14 verlore. Vo Ufgä isch aber i kem Moment d Red gsy.

I 2. Satz simer o umä guet gstartet. Mir hei kämpft u jede Punkt gfiiret. Üsi Gägnerinnä hei sech immer meh ab üsere guete Luunä afa närve u si plötzläch ines Loch gheit. Ds hei mir usgnützt u hei dä Satz schlussendläch zu 17 gwunnä. Wuuhuu!!!

Im 3. Satz heimer zwüsche düre chli viu Eigefähler gmacht. Drzuä isch cho, ds z Spiu vo Köniz plötzläch nume no über 1 Spielerin gloffe isch. U sie het Pünkt für Pünkt erziehlt.

Im 4. Satz heimer nomau aues gä u hei üs aber schlussändläch mit 21:25 müesse gschlage gä. Obwou mer 3:1 verlore hei, isches ä geilä Match gsy! Mir hei aus Team richtig guet funktioniert. U eis heimer auii glert: Wemer d Stimmig ufem sowiä näbem Fäud während dä nächste Matchä o so ufrächt chöi eraute, isch no vieles mögläch i dere Saison:)

Michèle

Matchbericht Kantonalcup vom 13. Oktober 2019

VC Uettligen - VBC Thun b 2:3 (23:25/24:26/25:18/25:16/26:18)

Mir hei üs 5 Sätz dürä kämpft u verdient gwunnä! Somit ziäh mir i Cup 1/2-Final ih. Äs isch vo Afang ah äs Chopf a Chopf Rennä gsi. Im 1. Satz hei mir no rächt Müäh gha u  hei nid das zeigt womer chönntä. Wo 20:12 isch gschtande fürä VC Uettligen hei mir de plötzläch ds Spiu dräit u dä 1. Satz 25:23 gwunnä. So isches de im 2. Satz gad witer gangä. Mir hei zwar sehr stabil gspielt aber trotzdäm hei mir um jedä Punkt müessä kämpfä und d Konzentration het müessä höch blibä. Dr 2. Satz heimer 25:22 gwunnä. Im 3. und 4. Satz heimer leider gad chlinä Hänger gha u beidi Sätz a VC Uettligen abgä (18:25, 16:25). Bim 5. Satz isches für üs aui klar gsi das mir izä no mau vou Gas müessä gä für das mir dä Sieg holä! Mir hei um jedä Punkt kämpft u äs isch ä mega Närvächrieg gsi. Dä Satz hei mir när 18:16 chönnä holä u mir hei ä risä Fröid gha. Ds Kämpfä het säch meh aus glohnt u mir fröiä üs sehr, das mir iz im 1/2 Final si!!! :)

Livia

Matchbericht vom 12. Oktober 2019

VBC Thun a - VBC Thun b 3:0 (25:8/25:14/25:19)

Mir hei vo Afang a gwüsst, dass mer starchi Gägner wärde vor üs ha. Trotzdem simer vou motiviert am Samstig id Halle gstande. Leider isches üs nid würklech glunge z‘zeige, was mir ir Vorbereitig aues gleert hei. Es het ä komischi Nervosität gherrscht, wahrschinlech wüu mir gäg eis vo üsne Thuner-Teams gspiut hei. Di Nervosität hei mir när o nid würklech chönne ablegä. Ei Knackpunkt vo däm Match isch d‘Abnahm gsy. A derä wei mir unbedingt no witerschaffe. O wes üs nid eso gloffe isch wie erhofft hei mir bis zum Schluss kämpft und üsi Gägner gäge Schluss doch no chly gergeret.
Mir fröie üs uf di kommendi Saison mit hoffentlech ganz viu EXITO!

Ile