3. Liga b Pro Damen

3. Liga b Pro Damen

Team

Alves Marina Aussen
Bommer Leonie Aussen
Demierre Michèle Mitte
Fraietta Luana Pass
Fraietta Ilenia Aussen
Gyger Angela Pass
Imhof Soraya Aussen
Kobel Melanie Mitte
Moser Janine Diagonal
Moser Yael Mitte
Tommasi Lara Diagonal
Waldburger Giulia Libera

Trainingszeiten

Mittwoch 20:00 - 21:45 Uhr
Freitag 20:00 - 21:45 Uhr

Trainer

Berichte Saison 2020/2021

Matchbericht vom 17.10.2020

VBC Burgdorf b – VBC Thun b (1:3) 13:25, 25:22, 21:25, 15:25

Saisonvorbereitig, Zämähaut, Ziu

Teamevent vom 21.06.2020

«Hö Giuli mir si aber euf Lüt u nid nur zäh»

I gloube e passendere Istig wo üse Teamevent vom 21.06.2020 beschribt findi eue nüm, weg dem lömer dä so lah stah.

Adem besagte, no sunnige Sunnti heisech 11, anstatt wie idoodlet 10 Spilerinne, vor 3. Liga am Bahnhof zThun versammlet. Zum Personeschutz düemer nid necher erwähne wär sech nid idoodlet het. Zimlech schneu isch ner klar gys das üsi zwöi füfplätzer Outos leider nid ganz länge. Da mir ja es flexibus Team sy, hetsech dLuana zur verfüegig gsteut, isch mitem Velo u drü Teammitglieder es Outo gah hole. So si mir aui am viertuvor Eufi startklar fürne gmüetlechi Wanderig zErlebach itrudlet.

Nach dem jede es Billett postet het stömer oscho i dere Luftseilbahn richtig Stockhorn. Scho ufem haube Wäg zur Mittustation hets grossi, schwarzi Wulchene am Himmu gha, aber ds het üsere Stimmig eidütig nüt usgmacht. Es isch dennoch witer gschnäderet u glachet worde.

«Mittustation Chrindli, bitte aui usstige» ghörtme dAsag düre Lutsprecher, ä churzi mentali vorbereitig uf ne gmüetlechi wanderig richtig Vorderstockealp.

Womer us dem Bähndli usstige merke mer aui dses uf 1642 m.ü.M definitiv echli chüeler isch worde. Aber oh das stört üs nid, es wärde die erste Pullis agleit u ner heissts hopp der Bäse. Ambitionierti Wanderer bitte fürä gah u die wo eher ufnes gmüetlechs Tempo us si bitte hinge irreihe. E gmüetleche Spaziergang richtig Oberstockesee mit euf meh oder weniger louffröidige junge Erwachsene. ZWätter wird jed witer mir loufe umso dunkler u irgendwie ochli cheuter, aber dMotivation isch no höch. Ersti Pullis wärde nach 30 Minute loufe oscho ume abzoge, gschnäderet wird aber immer no glich viu.

Akunft am Oberstockesee, perfekt für nes Verpflegigspöiseli, gueti Gspräch, lustegi Anekdotä und Diskussione obs iz äch glich de no chunnt cho rägne. Gsätigt u mit gegno viu Elan u Fröid machemr üs ufe weg zur Vorderstockealp. Schöni Ussichte gnosse, viu glachet, Pullis und Rägejaggene im Wechsu agleit u abzoge, chömemer nach ca. 1.5 Stund uf der Vorderstockealp ah. Und was machtme weme no gnue Zyt het? Klar mä nimmt die aut bekannte Chartespili führe u startet diversi Uno und Tichu Rundine. Oh hie zum Personeschutz weimer nid säge wär gnau die Rundine verlore het.

Uf die zwöi loufe mir zu üsem letste ahautspunkt, dVermietig vom Trotti Bike. Inerhaub chürzister Zyt simer aui mitemne Trotti und emne Heum usgstatet. O hie die ambitionierte Trotti fahrer vorus u dr Rest hinge nache. 10 Kilometer purs Fahrvergnüege uf zwöi Redli. Nach 30 Minute Trotti fahre si o mir wieder in Erlebach acho, dSunne isch o ume fürecho, jede het es Grinse im Gsicht u das nenne mir ä glunigi Saisonvorbereitig.

Giulia

Teamevent vom 04.10.2020

Zwöi Gruppe, eis Verbräche, viu gliir und zwöi fauschi Theorie.