5. Liga Damen

Hinten (v.l.n.r.): Emelie, Yael, Rebecca, Nadine, Edwina
Vorne (v.l.n.r.): Sina (Coach), Natascha, Serafina, Laura, Fabienne, Joyce, Moana, Giulia (Coach)

Es fehlen: Corina, Aline, Nina, Lena, Gabriela

Team

Bürgisser Corina Aussen
Bircher Fabienne Pass
Durand Emelie Mitte
Eggens Moana Pass
Felber Aline Pass
Frély Edwina Aussen
Hostettler Rebecca Diagonal
Illi Nadine Mitte
Krebs Nina Aussen
Loosli Laura Diagonal
Markovic Natascha Diagonal
Moser Yael Mitte
Neuenschwander Lena Aussen
Peter Gabriela Mitte
Wyss Serafina Aussen

Rangliste Vorrunde

Rang Team Spiele Punkte
1 TV Steffisburg 8 20
2 Thun Seefeld 8 20
3 SV Strättligen a 8 18
4 VBC Spiez 8 17
5 VBC Seftigen 8 11
6 VBC Bödeli-Unterseen 8 9
7 VBC Thun 8 8
8 VBC Obersimmental 8 4
9 VBC Brienz-Meiringen 8 1

Berichte Saison 2019/2020

Matchbericht vom 26. Januar 2020

VBC Thun - VBC Brienz-Meiringen 3:0

Was fürne Match! Nach dr Niederlag am Vortag z Spiez heimer a diesem Heimmatch souverän chönne 3:0 gwinne. Wemä so d Punkteständ vode Sätz ahgugget (25:8 / 25:7 / 25:9) gsehtme, dassmer Brienz überläge si gsi, trotzdäm heimer üses Spiel suber gspilt u z Level chönne höi bhalte. D Ahspiel si, wie o scho am Vortag z Spiez, grandios gsi. Sie hei üs o paar Pünkt ihbracht. Z Team het guet kommuniziert u mä het änand gholfe. So isch o dr eint oder ander Rettigsball suber glunge. Was o sehr Fröid het gmacht isch, dass viel Zueschouer da si gsi wo üs ahgfüret hei.

Das alls nämemer sicher a nächscht Match mit u hoffe natürlech ufene witerä Heimsieg nächscht Wuchenänd. Wier fröie üs uf die letschte paar Matche vor Rückrundi.

Matchbericht vom 26. November 2019

VBC Thun - Volley Seefeld 0:3

Mir si guät is Spiu gstartet. D Service hei funktioniert u mir hei üs vor gno, dä Match z gwinnä. Schnäu simer iibrochä u hei Müäh mit dä Abnahmenä gha u so het üsä Gägner d Pünkt ufghout. Üsi Kommunikation het nüm gstummä und üsi Gägner hei jedä Bau gha. So hei si dä erst Satz gwunnä. Im 2. Satz si üsi Agriffä viu besser gsi u mir hei wider afa kämpfä. Leider heimer aber o dä Satz verlorä. Dr dritt Satz isch ähnläch verloffä wi di anderä. Mir si z`weni präsent gsi u niemer het dr Bau wöuä abnäh. So isches am Ändi 0:3 gstandä.

Mir hei üs für di witerä Matche vorgno, üsä Teamgeist chli z`förderä u meh fürenang iizstah!

Teambericht Oktober

Aus Patchwork gstartet, aus Team zämägwachsä! Mir hei ä relativ houprigä Start i die disjähregi Saison gha. Spilerinnä us drü verschidnigä Teams si i der 5. Liga verträtä. Mir hei üs i dä vergangänä Wuchä kennäglernt, mitenang spilä glehrt und mir hei primär glehrt, aus TEAM zämäzwachsä. Mir bereitä üs jewius idä Donnschti-Trainings mit üsnä Trainerinne der Giulia und der Sina ufd Saison vor. Anärä intensivä Teamsitzig hei mir üsi Ziu und Erwartigä a d’Saison definiert und hei somit ä motiverendä Start id Saison gschaffä. Leider hei mir idä erschtä zwöi Spiu nonid so Glück gha, jedoch luege mir dä kommendä Spiu positiv entgägä. Ds Ziu isches, die oberi Tabäuäheufti (Top 4) z erreichä. Mit üsem wichtigschtä Teamwärt, em TEAMGEIST, wärdä mir zämä kämpfä um die Top 4 z’rockä! Baaaazinga! ☺ Nina