VBC Thun

Spielbericht VBC Brienz-Meiringen - VBC Thun vom 10.3.2010 (0:3)

Nach einem langen Schul- und Arbeitstag hatten wir noch einen anstrengenden Abend vor uns: Der letzte Match der Saison, und das am Mittwochabend im abgelegenen Brienzwiler. Die Turnhalle fanden wir problemlos, so konnten wir auch pünktlich um acht Uhr beginnen. Mättu hatte fünf Aussen-, drei Mittelspielerinnen und eine Passeuse zur freien Verfügung. Da die Brienzerinnen nicht so stark angriffen wie befürchtet, hatten auch wir öfters die Möglichkeit, die Gegner herauszufordern und von den zahlreichen Eigenfehlern zu profitieren. Ohne Druck und mit viel Spass am Spiel gewannen wir die drei Sätze mit 22:25, 20:25, 16:25
locker =). Wir haben in den letzten paar Monaten große Fortschritte gemacht!!! I bi stouz uf üs, obschons nid ganz het glängt!!!
Corin H.

Spielbericht Thun - VBC Spiez vom 27.2.10

Am Samschtig 27.02.2010 hei mir äs Heimspiu im Progy kah. U oh äs paar Zuerschouer heisächs erloubt z'cho.Mir hei guet ihglüffe/ihgwermt u hei gäg di 6i hei mir gägä VBC SPIEZ afah spilä. Im 1.Satz si mir konzentriert gsi u hei seriös gspiut. Abr mir hei leidr gd ä chli Päch kah u 27:25 vrlorä! jah scho dr 1.Satz äs isch mega spannend gsi, u mir hei bi jedäm Matchbau üsäs Bestä gäh. Umso motivierter si mir ah 2.Satz härägange u hei taktisch guet vorgleit. Jitz chunnt widr z'grossä ABR.. obwou mir 23:13 im Vorsprung si gsih, isch plötzläch nüt meh glüffe u mir hei nur no chönnä verzwiflät feststeuuä ds Spiez no dä 10Punkte Rückstand het chönnä ufhole. Mir hei üs zwar no probiert zämäzrissä, isch abr oh nid ganz gange u mir hei LEIDR scho ume so knapp (24:26) verlorä! Was mä nid aues im Volley erläbt, he?! Mir si rächt deprimiert, entüscht u äuä oh schockiert gsih vo däm 2.Satz. Im 3.Satz hets ämu oh nid ganz so klappät wi mir hei wöuä. Hie hei mir nämläch mit 25:13 ä witeri Niederlag festgsteut.Mir si abr nid nur deprimiert gsih, sondern mir hei viu vo däm Spiu glert. Ds isch üsäs letstä Heimspiu gsih ih därä Season. Aus nämä mir viu Erfahrige mit für idi nächschti Season und hoffe uf äs bitzeli meh Glück uf üsärär Sittä. ;)
Janosha

Spielbericht Thun - Bödeli Unterseen vom 30.1.10 (2:3)

Der erste Satz verlief für uns Thunerinnen nicht sehr erfolgreich(14:25). Wir kämpften, doch die Bödelerinnen spielten souverän. Im zweiten Satz, nach einem Input unseres Trainers, trat ein wie ausgewechseltes Team auf das Spielfeld. Wir kämpften um jeden Punkt und nahmen die Geschenke unserer Gegner dankend an. Somit konnten wir den zweiten Satz ziemlich klar( 25:16) für uns entscheiden. Auch im dritten Satz liessen wir uns den Schwung nicht nehmen, spielten konzentriert weiter und punkteten. Nun stand es 2:1. Im vierten Satz konnten wir noch einen Vorsprung herausholen, doch plötzlich war unser Gegnerteam uns dicht auf den Fersen, und entschied dann knappden Satz für sich (19:25). Im letzten Satz zeigte sich dann die psychische Stärke des Gegners, und unsere relativ schwachen Verteidigungsversuchen. Nach einer langen Reihe von Anspielen unserer Gegner, entschieden sie den fünften Satz mit einem bitteren 5:15 für sich. Schade um die zwei Punkte, die wir gerade verschenkt hatten und selbst gebraucht hätten.
Debby

Spielbericht VBC Thun - VBC Strättligen vom 23.01.2010

Am Samsti, dr 23.01 heimr dä angere "Thuner" wöue zeige wär hie chef isch, da das üs ir vorrundi ni (ganz) glunge isch.. Mir si aui 11 Spilerinne motiviert a dä erst Satz gange.. Strättlige isch es sehr starks Team, ABR mir, wimer zeigt hei, o! So heimr dr 1. Satz, wenn o knapp, gwunne! Mir si aui vou entschlosse gsi, sine dises mau zzeige! Leidr si d Mittine vo ihne sehr starch gsi im Block, u mir des öfteren chli z langsam... so heisi dr 2. Satz für sich entschide. Im 3. Satz simer ine de immr chli nache ghanget: mir hättä widr ufghout und punkteglichstand gha, abr när heimr gad widr nahgla u si sinis widr äs paar pünkt vorus... Auso heisi dä leidr o gwunne. Mir hei abr no sichr ni wöue ufgä u si i 4. Satz gstartet. Dür es paar Eigefähler am Afang, si si üs schnau drvo, mir hei abr ir mitti vom Satz widr zimli ufghout gha u si nur no 2 pünkt hingedri gsi.. leidr sisinis ab da när ändgüutig drvo u so isch dr 4. Satz du leidr o dr letzt gsi. Mir heinis abr im grosse u ganze guet gschlage und hei mit viu schöne agriffe chönne punkte. O wemer verlore hei, hets für aui gfägt u mir hei immr ä supr stimmig im und usserhaub vom fäud gha!
Mel

Spielbericht TV Kehrsatz - VBC Thun vom 13.01.2010

Z sibet simer am ne verschneite mittwuchabe uf kehrsatz gfahre u hei när dert aus erschts mau ä stund uf üsä gägner gwartet....
äs isch äuä nid bis zu üs dürecho das dr match ersch ä stund speter aafaht, abr isch ja nid so wichtig!
Ds spiu het aagfange und mir hei räch churze prozäss gmacht mit üsem gägner, obwou mer nid üses beschte volley zeigt hei
aber was wott me no meh aus 25:7 gwinne...
Dr zwöit satz isch öppe ähnlech schnäu verbi gange u hett üs o nid bsunders gforderet. ds resultat isch gsi 25:10 für üs.
Vorem letschte Satz hett üs mättu gseit wemers schaffe, das dr gägner im gsamte match nid meh aus 30 pünkt macht de giter ä rundi uus... im dritte satz heimer nis chli zfescht uf di 30 pünkt fixiert u hei das ziu knapp verpasstu hei dr gägner 33 pünkt la mache!(25:16) so nä seich!!
nach 45 minute heimer auso di haue mitemene 3:0 sieg verlah!
Carol

Spielbericht VBC Thun - VBC Obersimmenthal vom 09.01.2010

Am Samschtig dr 9.1.2010 hei mer z Thun im Peschu Match gägä VBC Obersimmethal gha. Ir Hauä isches extrem chaut gsi, drum hei mer sofort mit iloufä agfangä.

Mit Energie und Motivation si mer i 1. Satz gstartet. Äs isch immer sehr knapp gsi, leider hei mer schlussändläch dr 1. Satz vrlorä. Doch im 2. Satz hei mer när zeigt was mer eigentläch chönntä u hei nä für üs entschidä. Im 3. und 4. Satz het üsi leischtig leidr chli nahgla u drum hei mer sä beidi sehr knapp vrlorä.

D Obersimmethaler hei us üsnä Fähler wo vorauem bim „soustiens“ passiert si, chönnä profitierä. Vom chönnä här si beidi Teams zimläch usglichä gsi. Mir hoffä, dass mer dr nächscht Match für üs chöi entscheidä.
Anja

Spielbericht VBC Spiez - VBC Thun vom 05.12.2009

Nach einigen Schwierigkeiten haben auch wir an diesem Samstag den Weg nach Spiez gefunden. Schon beim Einspielen merkten wir, dass unsere Gegnerinnen ziemlich hart smashen können; doch wir können das auch! :D Der erste Satz begann mit einer Serie von Sideouts, das Spiel war allgemein sehr ausgeglichen. Wir konnten mit unseren Gegnerinnen mithalten. Einmal waren wir 2-3 Punkte im Vorsprung einmal war es Spiez, doch zum Schluss hatte (leider) Spiez die Nase vorne. Im zweiten Satz haben wir den Anfang verschlafen und konnten trotz eines Endspurts nicht mehr aufholen. Beim Seitenwechsel nahmen wir uns vor im dritten Satz das zu zeigen was wir können und wie im ersten Satz zu spielen, doch es gelang uns nicht. So kam es das wir auch diesen Satz verloren. Schlussresultat: 25:20, 25:12, 25:13 zugunsten des Heimteams Spiez.
Aurélie

Spielbericht VBC Köniz - VBC Thun vom 26.11.2009

Mit nume acht Spilerinne hei mir üs ufä Wäg nach Köniz gmacht. Dert hei mir scho bim id Haue cho z Gfüeu gha, inä Sauna z’cho. Im erstä Satz si mir einigermassä guät igstigä u heinä de o 25:21 gwunnä. Abr wi das so mit üs geit, isch es im 2. Satz nid so witer gangä u mir hei nä 19:25 verlorä. Dr 3.Satz isch de widerum klar vo üs gfüert wordä, dämentsprächend hei mir si 25:14 gschlagä. Mir hei gmerkt, wi mir mit dr Fröid am Spiu viu besser gspiut hei J Wis nid anders hätt chönnä si, hei mir dr 4. Satz knapp 23:25 verlorä. Im 5. Satz het Mättu nüm mit üs witer gwüsst, da mir üs so säuber im Wäg gstandä si. Obwou mir Köniz hätte söuä schla, hei mir o dr 5. Satz mit 5:15 verlorä. Mitem Ändstand vo 3:2 hei mir dä Match schliessläch verlorä.
Angie

Spiel VBC Bödeli-Unterseen gegen VBC Thun , 3:1

Am Samschtig dr 14.11.09 hei mir ä Uswärtsmatch z'Interlake kah. Mir si gnue früeh dert gsih, hei abr no lang müessä wartä, wöu d'Herräteams vo Bödeli u Spiez säch ä extrem usglichnige Match hei gliferet! Schlussändläch nach ihrem 5.Satz si mir mau ad Bäu cho.
Mir hei üs churz ihgwermt/ihglüffä u nähr hei mir mit grosser Motivation gstartet um Bödeli z'besigä.
Im 1.Satz si mir konzentriert gsi u hei seriös gspiut, was nähr zumänä erfreulechä Resultat het gfüehrt. Obwou mir dr 1.Satz ghout hei isches immr spannend blibä wöu mir oh rächt usgliche si gsih. Im 2. bis 4.Satz hei mir nachägla, was Bödeli usgnützt het u hetsäch so ufnä Sieg vo 3:1 chönnä fröijä. Mir söttä wahrschindlech schneuär reagiere u umsetzä.. u genau ah däm wärdä mir hoffentlech nochli trainiere. Mir si nämläch drvo übrzügt, ds mir ir Rückrundi oh Bödeli wärdä schlah =D
Janosha

Spiel VBC Thun gegen VBC Oberdiessbach, 3:0

Am Mändig, der 9. Novämber, hei mir, ds Team 2A, üs im Nöifäud am sächsi troffe. Wo mir üses Netz hei afe ufsteue, si d Oberdiessbacher scho agreist. Mir hei nid ender inechöne, wöu vorhär no Schütteler Juniore si ir Haue gsi. Janu… uf jede Fau si mir mit cuuler Musig igloffe, hei gchräftelet, igschpiut, igsmäsched, usw eifach wi immer. Mir si motiviert gsi, trotz dr Niederlag vom letschte Fritig.
Dr erscht Satz isch rächt usgliche gsi, u glich hei mirne für üs entschide. D Fröid isch gross gsi!!! O dr zwöit u dritt Satz het dr Gägner „immer“ schön uf Dischtanz chöne ghaute wärde, so das mir das Spiu hei gwunne. Dank de subere Service, em dütleche kommuniziere, de hertä Useagriff u de realtiv präzise Abnahme u trotz de wenigä Zueschouer!
I hoffe, das mir üse nächscht Mätsch o so erfougriich entscheide
Corin

Spielbericht VBC Thun - SV Kehrsatz vom 31.10.2009

Nach der Niederlag z’Obersimmetal heimer wöue bewiise dass mirs eigentlech chöi. Kehrsatz isch leider keh Gägner gsi, wo üs us der Resärve het gholt, u doch heimir üs müesse ahstränge, wöu mir die unpraktischi Ahgwohnheit hei, üs am Gägner z’ahpasse. U obwou mir im erschte Satz chli gschlafe hei, heimer nä gwunne.
Im zwöite Satz heimer langsam begriffe, dassmer üs öppis chöi wage u wie im Training aube chöi schön ufboue u schlah. Es si ou es paar sehr schöni Agriffe cho, mängisch ou mit chli Glück verbunde, z.B Janosha J. Ds het üs o chli d’Ahspannig gno u ou dr dritt Satz heimer chönne für üs entscheide.
Leider si mir bi däm Match nid sehr fescht gforderet worde, aber üs isch bewusst worde dass me ou gägä eigentlech ungerlägeni Gägner chönnt verliere, weme sich nid ahsträngt u Volleyball spilt, wiemes ja eigentlech cha! Hoffe mir chöi o bim nächste Match üs guet abspräche u mitenang, nid gägänang spile!
Debby

Spielbericht VBC Obersimmental - VBC Thun vom 24.10.2009

Für unser zweites Spiel mussten wir auf St. Stephan fahren, was uns allen Energie kostete. Danach machten wir uns ans Umziehen, Einlaufen, Einspielen, Einschlagen, Einservieren, einfach wie immer.
Das Spiel begann, doch nichts war mehr wie sonst. Die Abnahmen kamen nicht auf die Passeusen, wir hatten Kommunikationsschwierigkeiten, griffen nicht richtig an, etc…
So kam es, - oh wunder - dass wir den 1. Satz verloren. Und zwar ziemlich deutlich.

In der Pause gab es einen zünftigen „Zämeschiss“ der uns eigentlich hätte Aufrütteln sollen, doch auch das half nicht. Die Trainer waren am Spielfeldrand beinahe am verzweifeln und wir verloren wieder.

Auch diesmal gab es wieder eine Standpauke, doch es schien als hätte es etwas gebracht. Obwohl wir alle immer noch nicht unser schönstes Volley zeigten konnten wir diesen Satz für uns entscheiden.

Im 4. Satz schien es, als ob wir wieder alles vergessen hätten, was uns unsere Coaches ans Herz gelegt haben. Die Obersimmentaler profitierten von unseren Eigenfehlern und konnten auch diesen Satz für sich entscheiden. Es war ein katastrophales Spiel und wir haben uns unter unserem Niveau gezeigt, aber zum Glück gibt es noch eine Rückrunde.

(VBC Obersimmental : VBC Thun 3:1 (25:16, 25:22, 14:25, 25:21)

Carol

Spielbericht VBC Thun - VBC Brienz-Meiringen vom 17.10.2009

Füre erst Match vor Saison gäge VBC Brienz-Meiringe hei mer üs am 5i im Schönau troffe. Mir hei üs dank de nöie Dress (o we si wäge es paar Kommunikationsschwirigkeite chli verspetet mit dr Carol si uftoucht) ganz motiviert az Iloufe, Ispile u Ischlah gmacht. Trotz em letschte Feriewucheänd si mer zimli viu Spilerinne gsi, wo o näbem Fäud tatchräftig unterstützt u agfüret hei. Im erste Satz si mer gad chli überrumplet worde u mir heis im Verlouf vo dam Satz o nid gschafft, üse Rhythmus z’finde. Dämentsprächend ischs am Änd 9:25 für üsi Gägner gstande. Im zwöite Satz ischs när bärguf gange, o wes Phase wis immer no ni so gloffe isch, wi mirs gärn hätte gha. Vorauem üsi Usse- und Mittispilerinne hei müesse springe, wo geziut i üsi Löcher gspiut isch worde. Verlore hei mer dä Satz 23:25. Wüu mir üs so gsteigeret hei, isch langsam o üses Säubstvertroue wider gwachse. Im dritte Satz hets sogar es paar schöni Bauwächsle gä, aber es isch leider nid gnue gsi, um se z schla. Schlussändlech hei mer 22:25 verlore. Trotz oder gad wäge dere 3:0 Niderlag fröie mir üs uf di witere Matchs, da mir üs ab jetz nur no steigere… U ir Rückrundi wärde ganz sicher MIR si schla! J
Angi