VBC Thun

Matchbricht VBC Thun -VBC Bödeli-Unterseen vom 03.03.2011(25:20, 28:26, 20:25, 19:25, 14:16)

Dr letscht Match vor Saisonändi..u ds no gäge Tabäuefüehrer?? Da isch üsi Usdur, üse Kampfgeist und üsi Motivation nomau uft Prob gsteut worde. Mit üsere Niderlag gäge Obersimmetau heimr üs d Chance ufe erst Platz verspiut und hei teuwis oh d Chöpf chli la hange..Klar, dr Fähler isch sichr scho vorher passiert womr mau e schlechte Tag hei ka ds isch üs aune bewusst xi.. Doch mit Bödeli heimr usdr Vorrundi no e Rächnig offe ka und die heimr definitiv wöue begliche a däm Abe. So si mir mit grosser Vorfreud ufe letscht Match i dere Saison i erst Satz gstartet. Im erste Satz het aus klappet und dr Isatz het gstumme =)Trotzem verschlafe vom Satz, heimr somit dr erst Satz mit 25:22 chönne für üs enscheide. Im zwöite Satz isches ähnlech witergange abr es isch e herte Kampf xi und es het super Bauwächsle derbi ka. Somit heimr o dr zwöit Satz mit 28:26 gwunne. D Vorstellig im leschte Match vor dr Saison es satts 3:0 häräzlege wär doch gd chli z schön xi..drum heimr leidr im dritte Satz chli ufe Techu becho und hei dr Satz mit 20:25 müesse abgä..:( Oh im vierte Satz isches schnäu zue und här gange und uf üsere Site hets immer wi meh Rettigsbäu gä was chli zu Unsicherheit het gfüehrt..Oh dä Satz heimr mit 19:25 leidr verlore.. Iz isch dr entscheidend 5 Satz zum Zug cho.. Beidi Teams hei aues gä ufem Fäud und ke Bau isch eifach so kampflos z Bode keit. Dr Punktestand uf beidne Site isch meh oder weniger glichmässig it Höchi gstige ..Dä Satz het üs scho einegi Närve kostet ;) Leider heimr schlussändlech 14:16 verlore und es isch 3:2 für Bödeli gstande..Üsi offeni Rächnig heimr leider nid so ganz chönne begliche, obwous am Afang vom Match extrem dernah het usxe. Aber es isch e super Match xi und es het gfägt =)Trotz dene vile Verletzige heimr üs dür di Matche kämpft und hei z Beste drus gmacht..So heimr di Saison ufem dritte Platz beändet. Meri dä Vrletzte für ihre Isatz näbem Fäud u merci Mättu für au di Ziit wo du ir ganze Saison für üs investiert hesch!
Flo, Jasä

Mätschbricht vom 19.2.2011: VBC Thun - VBC Obersimmental

Scho wieder mau het üsi Mannschaft fasch zweni Spilerinne gha, um es komplets Team ufds Fäud chöne z steue. D Selina het zum Glück wieder uf Passeuse chöne wächsle. Mir heinis nid so viu Gedanke gmacht über dä Mätsch vorhär, u drum hei mir o nid so viu schlimms befürchtet gha. Guet gluunt si mir ufds Fäud u hei meh oder weniger üses Spiu chöne spile, wie erwartet. Scho gli mau het Obersimmetal aber e grosse Vorsprung gha, wo mir schlussändlech nüm hei chöne ufhole. Trotzdäm hei mir kämpft bis am Schluss (22:25). Dr zwöit u dritt Satz isch öppe i däm Stil witer glüfe. Leider hei mir nid wi gwohnt chöne agriffe u somit z weni Pünkt chöne erobere. Üsi Abnahme si gschittertet u schliesslech o dr Räschte. O die Sätz hei mir knapp müesse abgä: 20:25 & 23:25. D Emotione si nid wie oscho so gross gsi, so hei mir no gli mau zäme packt, um di Niederlag z verdoue u das bimne Drink im Morris. Mersi Mättu!
Iz hoffemer natürlech, dass mir dr nächscht u letscht Mätsch no mau für üs chöi entscheide u dass di Verletzte so schnäu wie müglech zu irne Chreft chöme, obwou das a üsem verplatzte Troum „Ufstige“ nüm cha ändere =(.

Corin

Spielbericht VBC Brienz-Meiringen - Thun a vom 09.02.2011

Schon früh am Abend mussten wir den Weg ins entfernte Brienzwiler unter die Räder nehmen. Fast hätten wir den Bus nicht beötigt, da so wenige Spielerinnen fit waren... Zum Glück konnten wir uns mit Conä verstärken (vielen Dank für deine Unterstützung). So war uns klar, dass auch das Spiel gegen den Tabellenletzten nicht einfach werden würde. Da nur 1 Passeuse bei uns dabei war, hat sich Selina bereiterklärt auch als Passeuse zu spielen (vielen Dank dafür, hast es super gemacht!).
Nunja, es war klar, dass das Team zu beginn des 1. Satzes ziehmlich verunsichert war. Obwohl die Service von Brienz nicht mit so viel Power kamen, bereitete vielleicht genau das uns ziehmlich Mühe. So konnten wir unser Spiel nicht ordentlich aufbauen und man merkte dass die Abstimmung fehlte. So kam Brienz-Meiringen zu einem schönen Punktepolster. Doch so schnell geben wir uns nicht geschlagen. Mit einer tollen Aufholjagd schmolz dieser Vorsprung aber ab Mitte Satz. Schlussendlich gewannen wir den 1. Satz knapp mit 26:24.
Im 2. Satz wollten wir natürlich alles besser machen. Leider hatten wir auch hier zu Beginn ein wenig Mühe. Mit starken Service konnten wir den Rückstand aber in Grenzen halten und schon bald lagen wir ein paar Punkte im Vorsprung. So konnten wir den 2. Satz mit 25:21 ins trockene bringen.
Nun aber mal von Anfang an "Vollgas" war die Devise im 3. Satz. Siehe da, nun klappte es auch von Anfang an. Wieder hatte Brienz-Meiringen Mühe mit unseren Service. Wenn einmal ein Ball zurück kam, konnten wir meist gut Aufbauen und erfolgreich einen Angriff abschliessen. In der Verteidigung standen wir auch meist am rechten Ort, so dass wir diesen Satz ungefährdet mit 25:13 gewonnen haben.
So konnten wir nach gut einer Stunde mit einem 3:0 wieder den Heimweg antreten. Nun hoffen wir, dass möglichst bald wieder einige Spielerinnen genesen, damit wir die letzten beiden Spiele mit einem grösseren Kader bestreiten können. In diesem Sinne gute Besserung an Janosha, Flo, Laura, Debby und Angie!
Mättu

Spielbericht Thun a-Thun b vom 27.01.2011

Üses Ziu ischs xi, üs für di letschti Niderlag zrevanchiere, doch üsi Nervosität isch mau widr grösser xi aus alles andere.. dr Hingegedanke, ds üse gägner üsi eigete kollege si, het aus nomau erschwärt. So heimr im 1. Satz mau widr so richtig ghouzet bises öppe 23:13 für di andre isch xi. So simr do doch mau erwachet u hei üs nomau zrugg kämpft. Glängt hets leidr glich nid u so isch dr 1. Satz 25:22 a die andre gange. Im 2. Satz heimr do doch mau is Spiu gfunde und so heimr nach churzer Ziit mit 25:11 dr Satz für üs entschide. Dr nächscht Satz isch eher usgliche xi, bis üsi Gägner mit 24:19 Satzbau hei gha. Doch so schnäu heimr se ni wöue la gwinne u mir hei üse Kampfgeischt füre ghout. Mit schöne Rettigsbäu heimr ke Bau me la zBode ga, bis mir mit 26:24 i Vorsprung si gange. Das heimr üs nüm wöue la näh u so simr vou motiviert i nächscht Satz gstartet. O üsi Gägner hei sich ni so eifach wöue la schla u so heimr üs gägäsitig agspornt. Mit länge Bauwächsle und schöne Agriffe heimrs mau wider spannend gmacht. Bis zur letschte Minute hei beidi Teams aues gäh, zum Glück mitemne bessere Ändi für üs: mir hei dr Satz mit 25:23 gwunne. So ischs nachemne spannende Match 3:1 für üs xi. D’Stimmig isch uf beidne Site super xi u o dZueschouer hei aus gäh, mersi =) So isches i üsem Club widr usgliche xi u mir hei beidi bewise, ds mr gueti Teams si, es het gfägt!
Flo u Jasä

Matschbericht vom 22. Januar 2011, VBC Grosshöchstetten - VBC Thun

Ds Spiu vom Bänkli us betrachtet. Bym Yspile hets mau rächt viu Platz gha für die einzelne Grüppeli…schliesslech sy nume 9 Spielerinne gsy. Ufem grüene Hauebode vo Grosshöchstette heisi auso gnue Ruum gfunde für aues ds gä.
Dr erscht, sehr närveufrybend, spannend Satz heimer 28 zu 26 für üs entschide. Im zwöite Satz isches ou wieder so äng worde. Nume hets när e Unfau gäh - die gägnerischi Spielerin isch am Block uf üsi Syte cho u d'Laura uf ihre Fuess abegheit. Beidi Spielerinne hei verletzt vom Platz müesse. Leider isches üsere liebe Laura gar nümme guet gange u sy het müesse versorgt wärde. D'Erinnerig ad Vorrundi gäge Grosshöchstette u a damalig ähnlech Unfau mitem Anschi het aui gad echly usem Konzept bracht. Dr Satz isch drum schnäu gäge üs entschiede gsy, 23 zu 25.
Im dritte Satz het nis das Ganze immer no sehr prägt u ou süsch isch nis nid aus nach Wunsch glüffe. Ou dä Satz heimer vrlore - das Mau zu 20. Die letschti Müglechkeit füre Sieg heimer auso im vierte Satz müesse apacke. Doch ou dä Satz het am Afang nid so guet usgseh. Mit auer Chraft heimer vo usse probiere adsfüüre u die ufem Fäud hei ds schienbar mitbecho u heisech hinger ds ufhole gmacht. Mitemne wytere knappe Entscheid, heimer dä Satz zu üsne Gunschte kehrt u hei ne zu 23 gwunne. Nach däm chlyne Erfoug, isch d' Laura afa ga dusche u der Bescht wosi no het pracht, wosi ihre Fuess gnau het agluegt, isch gsy: "Wäh, so öppis gruusigs hani no nie i mim Läbe gseh!"
Dr füüft u letscht Satz isch zaagig gsy. Immer wieder isch Glychstang gsy. Bis mer du ändlech hei fertig gmacht u de Mätsch mitemne 15 zu 11 hei heighout.
Gschafft u o chly müed symer när ids Bösli für hei. Die einte sy hei ga schlafe, anderi sy no zäme i MC' u i schrybe de Mätschbricht fertig.
Giuli

Matschbericht vom 15. Januar 2011, VBC Thun - SV Strättligen

Dr erscht Mätsch nach de länge, vrfrässne Ferie. Für es paari vo üs isches sogar die erschti sportlechi Aktivität im nöie Jahr.
Die erschte zwe Sätz het ds Stammteam ufem Fäud zeigt, was si chöi u die Dusse hei mit auer Chraft agfüüret! Ds Resultat bestätiget die super Zämenarbeit mitemne gwunnige Satz zu 18 u mit eim zu 20.
Im dritte Satz hets när e grosse Wächsu gä - füüf sy usgwächslet worde. Für einisch isch d'Stimmig dusse mässig gsy u die ufem Fäud sy mit dere Situation ou chly überforderet gsy.
D'Pünkt sy ad Gägner gange u ou mitem Rückwächsu vo einzelne Spielerinne heimer nümme chönne verhindere, dass mer de Satz hei verlore. Zum Glück heimerne aber no chönne 22 pünkt abnäh.
Füre viert Satz isch ds gwinne agsetzt gsy…ou wes äng isch worde, heimer enang zu däm Sieg ghuuffe - ob mer mit punkte oder mit afüüre.
Mir sy eis Team, ou wemer nid esmau üses Begrüessigssprüchli uf d'Reihe bechöme. =)
Laura und Giuli

Mätchbricht vom 3. Dezämber 2010

«Hoi Papi, mir hei mau ds Schönried ume Egge glüslet!» Bym häre fahre, heimer e Fritigaabekriese gha. Doch scho bym yspile isch d’Motivation gstyge. Übrigens, der Gägner het Obersimmetau gheisse.
Bym erschte Satz heimer mit 25:19 überzügt. U scho isch der Dürehänger da gsy. Dr zwöit Satz heimer zu 21 verlore u dr dritt zu 17. Mir hei nis schwär müesse zämerisse, füre viert Satz. Schliesslech heimer uf ke Fau wöue verliere!
Um die ufem Fäud ds ungerstütze, hei sech die dusse fasch d’Seu usem Lyb gschreit. Daderby hei sy sogar no e nöie Tanz erfunde – «Hopp Thun!». Dür die super Motivation sy sogar d’Gägner usem Rhythmus gheit u mir hei 25 zu 23 gwunne. Zum erschte Mau die Saison isches zumene füfte Satz cho! «Nume no uf 15 u no e Sytewächsu?!», hets teilwys tönt.
Trotzdäm heimer d’Närve bhaute. D’Stimmig isch aber leider dür d’Nervosität echly i Chäuer gheit u üsi Stimme hei afa versäge...
No es letschts Mau zäme näh u zeige was mer chöi. Mitemne leider schlächte Start, heimer nis müesse ads Ufhole mache. Gschafft heimers du mit 15 zu 12 ds gwinne – was für nes Fescht!
Mitemne riesige, luute «Barabarabarapapa barabarabarapa» symer überglücklech vom Fäud gange.
Läck isch ds ume eis e super Aabe gsy. Uf der Heifahrt heimer när no verschidnegi Wiehnachtsbelüchtige und sogar no es gschichtliufrybends Füchsli gseh. Ume Punkt ds mache, hei es paari no i Mac wöue, us däm isch aber vor luter Müedigkeit nümme worde u so het üse super Taxifahrer Mättu gluegt, das mer aui hei chöme!
Laura u Giuli

Matchbericht VBC Thun - VBC Brienz-Meiringen

Mir si zimlech motiviert i dä Match gstartet- u mir hei vo Ahfang ah Gas gäh. Drum gitz zum erschtä Satz o gar nid viu z’sägä. Mir hei guet zämägspilt und vor Gägnersiite isch dr Bau nur relativ eifach zrüggcho.
Im zwöite Satz heimer anderi Persone ufem Fäud gha, u villech isches a däm, oder am Ufwache vo dä Angerä glägä, dass dä Satz chly herter het müesse erkämpft wärde. Eigefähler und vor auem Aspilfähler hei z’angere Team lah ufhole.Ds het üs chly unger Druck gsetzt u mir hei nümm so suber gspiut. Schlussamänds heimer de dä Satz aber o chönne kaperä!
Dr letscht Satz isch ähnlech verloffe wie der erscht. Nur dass mir meh oder weniger immer 14 (!) Punkt Vorsprung hei gha. U mir hei o mit 14 Punkt Vorsprung gwunnä! Fazit: Ds Mätchli het üs guet dah, mir hei guet zämä gspilt u Spass gha. U tiu Spilerinne hei sich sogar mau chly meh gwagt aus süsch ;)
Merci für die tatchräftegi Ungerstützig vo üsne Zueschouer, so fägts.

Matchbericht VBC Thun 2b - VBC Thun 2a

Gestr, am 11.11.10, isches sowit gsi, ds ufänangträffä vo dä zwöi thunerteams, ds U 22 2b vo Rübä gägä ds U 22 2a vo Mättu. Mir hei aui gwüsst, dass das ä spezieue Match wird gä, damer einersits üse "gägner" unbedingt hei wöuä schla, angersits üsi früechere spuikollegine si, womr ja grundsätzlech gärn hei ;) Mit gmischte gfüeu u ufgregtr aus süsch simer a dä match gange (uswärtsmatch ir eigete trainingshaue..). Damr momentan chlines "chrüpu" team si u mehreri liecht odr schwereri verletzti hei, het mättu no erstatz ghout. D sina, wo früecher o bi üs gspiut het, hetsech aus dritti passeuse zur verfüegig gsteut, da di einti vo üsne drü passeusene, ig, verletzt isch u ds angi no vom letzt match chli agschlage isch. Merci sina füre isatz!

Im erste u zwöite Satz hetme gmerkt dasmer aui no mega närvös si u nis z fescht ufe gägner u nid ufds spiu konzentriere. Mir hei zwar sehr schöni agriffe gha, abr ds angere Thun hets immr widr gschaft d bäu irgendwie widr übere zbringe u mir si när a üsne eigete fähler gscheiteret. Si hei ufjedefau di zwöi erste sätz mit 18:25 und 22:25, wenn zum teu o knapp, gwunne.

Im dritte satz simr de ändlech ä chli abegfahre u heinis besser chönne konzentriere. Mit sichere aspiu u präzisere abnahme, päss u agriffe heimr de dä satz mit 25:22 für üs chönne gwinne. Itze hets für üs auso gheisse: mir wei di letzte zwöi sätz ono hole!

Im vierte satz heimr nomau zeigt wasmer chöi, di angere abr leidr o.. es isch ä horror satz gsi zum zueluege (gfüeustechnisch). Äs hei immr widr si, när ume mir, när ume si äs punkt gmacht.. bises 24:24 isch gstange. Uf 26 auso. Leidr hei si d närve besser chönne bhaute u hei dä letzt satz mit 25:27 o gwunne.

Äs isch ä närväuftribende match gsi, mit vilne zueschouer u spilerinne usserhaub vom fäud wosech d seeu usem lieb gschrit hei um die ufem fäud azführe und pünkt z fiire. Mir hätte dä match soo gärn gwunne, abrs het (noni) wöuä si. Mir wärde abr ir rückrundi dopplet so konzentriert a dä match gha, une de haut denn zeige wär mir si u das mir genauso oder meh aus si chöi..!
Meli

Matchbricht VBC Thun - VBC Grosshöchstetten 3:1 (25:23, 25:18, 12:25, 25:18)

CARAMBOL- hie simer wider! Mit zwöi Passeusene u s’paar meh Ussespilerinne u drü intakte Mittine simer i dä Match gstartet. Eigentlech heimer der erscht Satz dominiert, dür Kommunikationsproblem, Eigäfähler oder irgendöppis schüsch, hei mir üs vo dä anderä lah iihole. Wimä aber gseht, heimer dä Satz när doch mitgnoh!
Im zwöite Satz simer motivierter ad Sach gange u hei z’Ghüener näbem Fäud glah.
Im dritte Satz isch üsi Teamfähigkeit uf d’Prob gsteut wordä: dürnä Unfall vom Angie het ä Ussespilerin unvorbereitet müesse Pass spilä. Wäge däm si mir zersch chly konfused gsi, aber d’Laura het die Ufgab so suverän gmeischteret, dass ds nümme üsi gröschti Sorg isch gsi. Merci dir! U ja, dä Satz heimir leider verlore, üse Gägner het schliesslech oni gschlafe.
Im nächste Satz het de d’Flo dr Part vor Laura übernoh. Mit guetä Aspil, präzise Smash’s und erä verbesserete Absprach heimer dä Satz gwunne. Merci für ds Spiu – äs het gfägt.
Debby

Matchbricht SV Thun Strättligen - VBC Thun 1:3 (13:25, 21:25, 25:18, 16:25)

Dr erst Match vor Saison wo mir bestritte hei isch nid schlächt verloffe. Mir hei Strättlige 3:1 gschlagä. Im erste Satz heimer ganz klar chönne zeigä was mir aus chöi u dä heimer o mit zimlechem Abstand gwunne. Im zöite heimer scho meh müesse kämpfe, hei abr immer no ohni Problem gwunne. Dr dritt isch när nüm ganz nach Wunsch verloffe… D Motivation isch zwar no da gsi abr d Konzentration het scho chli nagla u mir hei üser Pünkt nüm richtig gfiiret. Gnärvt vo Strättlige wo üs z Lizi nur het zeigt wenn si punktet hei isch dä Satz a si gange. Dr letscht Satz heimer när dank Mättus Überzügigskraft wider gwunne =)
Angie