5. Liga a Damen

Training

Dienstag 20:00 bis 21:45 Uhr
Freitag 20:00 bis 21:45 Uhr (offenes Frauentraining)

Trainer

vakant

Kristina Abderhalden
Debora Baumann
Livia Dietrich
Edwina Frely
Natascha Markovic
Tamara Müller
Cornelia Münger
Marijana Nedic
Milica Nedic
Manuela Reber
Pascale Regez
Janosha Sathasivam
Karin Spori
Beatrice Spycher

Berichte Saison 2017/2018

Berichte Saison 2016/2017

Teambericht April 2017

Mit viu Fröid und Tatedrang heimer üs nachdr Wiehnachtspouse widr voll id Rückrundi gstürzt! Da mir ufem 3. Platz überwinteret hei, heimer e gueti Grundlag gha zum no witer ufe zcho ufds Träppli, was nomau e Schub Motivation hett drufgsetzt. Auso hei mir witi Wege bis uf Brienz oder ids Obersimmetal uf üs gno zum dert üsi Gegner treffe. Da hei mir üs scho es paar Mal gfragt, ob mir äch dr Wäg hei no finde im Schnee und Näbu...;) Usdr Vorrundi hei mir oh üsi Bousteuene guet gnue kenneglehrt u vrsuecht die uszlote. Zum Bispiu üse vrflixt 2. Satz wo mir allzu oft üsne Gegner hei müesse überlah. Oder öppe die spannende Schlusspünkt wo mir üs meh als einisch üse Vorsprung vrtah hei u d Anja im Time-Out hett gseit: „So iz fahremr düre ohni Halt ar Tankstell, mir si da nid ufeme Sunntigsusfährtli!“ 

Mir hei alles geh u es isch spannend gsi bis am Schluss aber leider hei mir e Niederlag zviu müesse istecke, wo üs schlussenldech ufe 4. Platz hett vrwise. Dr Ufstig isch auso es witers Jahr ah üs vrbizoge aber ads Ufgeh denkemr gar nid! 

Obwohl üs es paar auti Hase vrlöh, womer nur mit schwerem Herze löh lah ga, fröie mir üs üfne neui Saison mit neue Gsichter und neuem Glück! 

A dere Stell nomau es grosses Merci ad Daniela & Anja wo üs die letschte Jahr so souverän hei dür au die spannende, luschtige u astrengende Trainings und Matche gfüehrt. Mir wärde euch vrmisse! 

Debora

Teambericht Januar 2017

Inzwüsche heimer scho baud üsi Vorrundi hinger üs. Schlächt simer nid dinne dür es paar knapp gwunnene Matche und zwöi verloreni simer momentan immerhin ufm 3. Platz.

Natürlech heimer oh vor üs z'steigere drum nähme mir üs d'Zit im Training um üsi Fähler uszbessere und so bim nächschte Match wider vou Gas z'gäh. Dür d'Hilf vo es paar Juniorinne hei mir einigi spannendi Matche chönne spile wo oh richtig gfägt hei!

Mir si jitz vou motiviert und blibe a üsem Ziu dranne di zwöi sterchste Gägner (Volley Matten und TV Steffisburg) ir Rückrundi z'schlah! ;-)

No es Dankeschön a d'Juniorinne wo üs aube chöme cho ushelfe und natürlech oh a üsi zwöi Trainerinne Daniela und Anja für die guete Trainings und z'guete Coache ide Matche. Marijana

Teambericht Oktober 2016

Mit ganz viu neue Gsichter u natürlch de aute ;-) hei mir das Jahr üsi Saison agfange. Daniela und Anja hei ganz gueti intensivi Trainings vorbereitet wo üs sehr viu bracht hei und oh aus Team zämegfüehrt het. Z’Stäge gumpe isch am Afang eher e lästigi Sach gsi wo vor Daniela isch igfüehrt worde, jedoch isches mit der Zyt gange u itz gumpe mir alli 3 Stäge ufs mau ;-). Mir hei üs alli Ziu gsetzt u da dra simer itze das mir alles erreiche u eis grosses isch natürlch dr Ufstig!!!! ☺

Z’VBC Thun Turnier isch relativ guet gange für das mir es rächt gmischtes Team si gsi mit neue u aute Gsichter. Mir hei gseh wo üsi Schwächine si u da dra tüe mir its no eis intensiv schaffe damit die ir Saison nüm vorchöme u somit simer aui zuversichtlech, dass mir das mit dr Hiuf vo üsne beidne Trainerinne o schaffe . Mir freue üs alli sehr uf d’Saison und wünsche allne o es guets spiele. Milica